عمر البحر ما شال هم السفينة

[**قدساوي كول**]

من طبعي أرد الإساءهـ { بالاحسان }
و أساير ظروف الزمان اللعينة ..


و أطوف الغلطهـ من { أفلان .. و فلان }
يعني من أجل { عين } تكرم مدينهـ ..


الكامل الله و الخطا طبع { الانسان }
و الدرب يفرق عن يساره و يمينهـ ..


و { الصاحب } آللي لهـ معزهـ و لهـ شان
ان جاني بشينهـ .. تذكرت زينهـ ..


اتحمل أخطاءهـ معي { قدر الامكان }
من جانبي تبقى العلاقهـ متينهـ ..

و اللي { يغلطني } و انا ماني بغلطان
اصابعي احطها { وسط عينهـ }..

مادامني مسلم و في قلبي ايمان
عمر { البحر } ماشال هم السفينهـ ..

مرت علي { أنواع .. و أشكال .. و ألوان }
بين { العقول } الناقصهـ .. و الرزينهـ ..

عندي قناعهـ ان { الانسان شيطان }
اذا يهينك { لازم } انك تهينهـ ..

يعني اذا حاجتكـ { بيدين عدوان }
يكفيكـ شر المهزلهـ .. و الغبينهـ ..

من { كثر ماجاني } من الناس خذلان
تحرجني حتى كلمة { الله يعينهـ }

صحيح لي { ربع .. و جماعهـ .. و خلان }
و أضيق لكن حاجة الناس شينهـ ..

الشخص دام انه بكل شي { خسران }
تأكد انهآ من عمايل { يدينهـ }..

من مرحلة { حب .. و مشاعر .. و حرمان }
ان ما لعنت الحب تلعن سنينهـ ..

اكتب شعر و اعزف من { أشواقي ألحآن }
و اسلي قلوب الغرام الحزينهـ ..

و لو الشعر مخلوق في { هيئة انسان }
و الله لأقول له تسلم { و اقبل جبينهـ ,,, }




مما راق لي :)

[،، سهم الغلا ،،]

قصيده جميله جداا

صح الله لسان شاعرهااا
وتسلم يمين ناقلهاا


وتنقل الى القسم المناسب لهاا




تحيااتي

[ضـاري]

صح الساان شاعرها


ولا هنت على هالنقل المميز


لك مني كل الاحترام والتقدير

[LoVeLy GiRl]

صح اللسانك و اللسان شاعر
يعطيك العافية

[**قدساوي كول**]

حيــآكم الله ,,

لأهــنــتو’’’