قالوا: تتوب من الهوى؟ , قلـت: لا لا

[jree7-al3een]

من القصائد المشهور للشاعر محسن الهزاني في التغزل بفتاه تدعى(( هيا))


يالله بـنــو مـدلـهـم الـخـيـالا
طافح ربابه مثل شـرد المهـا الـزرق

لى جا علـى البكريـن بنـى الحـلالا
ولى عاد لا يفصل رعدها عـن البـرق

يسقي غروسٍ عقـب مـا هـي همـالا
حط الحريق ديار الاجـواد لـه طـرق

أسقـى نعـامٍ ثــمً يـمـلا الهـيـالا
يصبح حمامـه ساجـعٍ يلعـب الـورق

جريت انـا صـوت الهـوى باحتمـالا
في وسط بستـانٍ سقـاه اربـعٍ فـرق

طبيـت مـع فـرعٍ جـديـد الحـبـالا
وظهرت مع فرعٍ تناحـت بـي الـورق

روشن (( هيا )) لـه فرجتيـنٍ شمـالا
بابٍ مع القبلـه وبـابٍ مـع الشـرق

ومبسم (( هيا )) له بالظـلام اشتعـالا
بين البروق وبين مبسم (( هيا )) فرق

بـرقٍ تـلالا قلـت: عــز الـجـلالا
واثره جبين صويحبي واحسبـه بـرق

يا شبـه صفـرا طـار عنهـا الجـلالا
طويلة السموحوق تنزح عـن الـورق

له ريـقٍ احلـى مـن حليـب الجـزالا
واحلى من السكر الى جا مـن الشـرق

حنيـت انـا حنـة هزيـل الجـمـالا
ينقض روي الخيل قـد مسـه الفـرق

ويـا قلتـه فـي عالـيـات الجـبـالا
ماها قـراحٍ ميـر مـن دونهـا غـرق

ماعـاد للصبيـان فيـهـا احتـمـالا
من كـود فرقاهـا يديهـم لهـا طـرق

قالوا: تتوب من الهوى؟ , قلـت: لا لا
إلا أن تتوب رماح علوى مـن الـزرق

قالوا: تتوب من الهوى؟ , قلـت: لا لا
إلا أن يتوبون الحناشـل عـن السـرق

قالوا: تتوب من الهوى؟ , قلـت: لا لا
إلا أن تتوب الشمس عن مطلع الشـرق

أخــذت منـهـا حبتـيـنٍ تـتــالا
يـوم أن نسنـاس الـهـوا تطـرقـه




وسلامتكم ,,,

[Women~ّ~From~TheSun]

برقن تتلالا قلت عز الجلالا وأثره جبين إصويحبي وأحسبه برق

بسم الله الرحمن الرحيم


السلام عليكم ورحمة الله وبركاته


جريح العين صح السانك والسان شاعرها فعلا ابدع

مراحب نونو

[jree7-al3een]

عليكم السلام

وصح أبدنج , وأسعدني مرورج المميز ,,,

ولكي تحياتي ,,,

[LoVeLy GiRl]

صح اللسانك و اللسان شاعرها
شكرا ع النقل الرائع

[jree7-al3een]

صح أبدنك ,,,


ولاهنت ع المرور ,,,