.. تدور الليالي ..

[Demon of Dark]

السلام عليكم
صباح - مساء الخير
مما قرات وراق لي


تدور الليالي



يمر الزمان اللي برى خاطري والحال
وتدور الليالي والمقادير مكتوبه


زمانٍ على دربه تكسّر خطا الامال
وعلى صوت نايه نغمة الحزن مسحوبه


شف الحزن في صوتي وانا اغني الموال
وشف الدمعه اللي من شقى الوقت مسكوبه


جمل وارتكي للحمل وهمومي الجمّال
وصدري ضلوعه من عنا الحمل محطوبه


لكن الزمان الشين وحظي وقل المال
سقوا قلبي امن الضيم لين انفرى ثوبه


الا ليت شعري يوم غنوا على الاطلال
يرد الحقوق اللي من النفس مسلوبه


والا ليت مالي ياهلي فـ الشعر مثقال
ولا جاد طرقي والمطاليق غنوبه


مادام الرفيق اللي نعده من العقّال
جحد قسمي امن الطيب يوم انثنى صوبه


ياكبر المعاتب في عيوني وطول البال
وياضيم الكبود اللي على الصبر مغصوبه


جحدني وانا اللي يوم حط الزمان وشال
بنيت اسمي امن الطيب طوبه على طوبه


وانا طيب راسي كبل ايدي بالاغلال
وطمرت الحصون اللي على الدرب منصوبه


يهون الخطا لاجاك من غلطة الجهال
لكن غلطة الرجال تحسب من ذنوبه


مصيبه ليا من طاح من نظرتك رجال
تقدّر وقاره والزمن يفضح عيوبه


اتمنى تعجبكم
لكم مني الاحترام

[النحيسة]

يهون الخطا لاجاك من غلطة الجهال
لكن غلطة الرجال تحسب من ذنوبه


مصيبه ليا من طاح من نظرتك رجال
تقدّر وقاره والزمن يفضح عيوبه

<< صح لسـان شاعرهـا وتسلم يمين ناقلتهـا
ولاهنتي ياذووق ,,:)

[Demon of Dark]

صح بدتج يالغاليه
منورتنا بتواجدج العطر

[نوايف]

مصيبه ليا من طاح من نظرتك رجال
تقدّر وقاره والزمن يفضح عيوبه


اشهد بالله انه اكبرر مصيبه ...
يعطيكي العافيه رووعه القصيده

[@خفايا الروح@]

.:.

جمل وارتكي للحمل وهمومي الجمّال
وصدري ضلوعه من عنا الحمل محطوبه

...

بارك الله فيكِ على النقل الجميل

ولا هنت يالغالية ولاعدمناكِ

تقبلي مروري

[Demon of Dark]

صح بدنكم يالغاليات
اسعدني تواجدكم العطر
لكم مني الاحترام