تويت
تنحي يا جراح القلب هلـت عبـرة المجـروح
جراح وهم ودمـوعٍ علـى خـدي تسايرهـا
بنيت أحلى مدينة حب(أحسب إن) الزمان مزوح
بنيت ولا دريـت إن الزمـن يمكـن يدمرهـا
مدينة حب فيها الحب سـر العاشـق المفضـوح
مدينـة تجمـع العشـاق والفرقـا تحاصـرهـا
طويت أغلى سنين العمر فيها والخطـأ مسمـوح
نظمت أحلى بيوت الشعر مـع تغريـد طايرهـا
جيوش فراق مرتها وصار الحـب فيهـا النـوح
وصار الهم والأحزان مـن عالـي عمـا يرهـا
ولا ياروحي أثقلي كفايـة وش يفيـد البـوح
دموعي لا ظلمني الوقت من هو اللـي يقدرهـا
أبكتب حزن لين الله يكتب لي طلـوع الـروح
حياتـي سكـة أحـزانٍ مـن أولهـا لأخرهـا
حزين وقلبي المبلي مـن الفرقـا غـدا مذبـوح
تنحت غادة الدنيـا علـى نغمـات شاعرهـا
وقفت وتركتني في بحـر حزنـي بليـا طمـوح
أعالـج حالتـي بجـروح ودمـوعٍ انثـرهـا
ولا أدري ويش غايتها ولادري ويش هو المصلوح
تخـون الحـب وأسـرار المحبـه ماتقـدرهـا
من الحرمان والفرقاء ترى قلبي غـدى مشـروح
ترى ماصابنـي يانـاس كلـه مـن جرايرهـا
تنحي يا سنين العمـر والله مـا يفيـد البـوح
جراح وحـزن ودمـوعٍ مـن أولهـا لأخرهـا
تعليق