اطلب عظيم الشان لا تطلب الناس

[عاشق الحزين]

أطلب عظيم الشان لا تطلب الناس
ربك كفل رزق المخاليق و القوت

وش لك بعيش الذل و الهون و الياس
وش لك بطول العمر لو عشت مكبوت

أما حياةٍ تشمخ بهامة الراس
والا حياة ٍ تنتهي وسط تابوت

لو يدلّهم الخطب وتدق الأجراس
الصبر ساعه , وراعي الصبر مبخوت

لا يرهبك جحفل ولا كثر حراس
خلك صميدع واجهر بعالي الصوت

المرء لو يسمو على كل الادناس
تقوى عزومه, يهزم ألفين طاغوت

راعي غنم جرّع ملك مر من كاس
بالمقلعه حطم أساطير جالوت !

أورد حياض العز في ظلم الاغلاس
سج الخطاوي وأمض في عزم وثبوت

خلك كما طير الهدد طير قرناس
من لم يعش كالصقر بيموت كتكوت

من لا يدوس (الهم) لا بد ينداس
لا تحبطك هرجة حسود ٍ وهلفوت

من فوه البركان يجنون الالماس
وايضا المناجم تحتوي خام ياقوت

الدر قاع البحر كان انت غطاس
الفرصه أغنمها ترا يمكن (أ) تفوت

أنقش بكف المجد واكتب بقرطاس
اسمك وخله وسط الاذهان منحوت

لا ترتدي يا صاحبي رث الالباس
والبس من المعروف دسمال وبشوت

أأحذر من اللي سممت صدر جساس
حبل النسا (ع)الغارب اليوم مفلوت

أستغفر الله بس بشعور واحساس
ثقّل موازينك قبل حزة الموت

[Women~ّ~From~TheSun]

[glint]
[glow=000000]
الشاعر المحترم << عاشق الحزين >> ..صح إلسانك وكله<< حكم>> ..و<<درر>>.. كلّن ياخذ منه إل محتاج له وأنا باخذها كلها ..

ولو فيه زود من هالحكم بإنتظارها....شكرا لكم..
[/glow]
[/glint]

[عاشق الحزين]

صح بدنج

مشكورة على المرور

[شموخي عز]

يعطيكـ العافيه شاعرنا

تسلم اناملكـ على الطرح الرائع

قصيدهـ جزله

قواكـ الله ,,

[نوايف]

أما حياةٍ تشمخ بهامة الراس
والا حياة ٍ تنتهي وسط تابوت


روعه
يعطيك العافيه ..

[حدالتكانه]

ذكرتني بيت للامام الشافعي الله يرحمه

وصن الوجه أن يذل وأن يخضع الا الى اللطيف الخبير

مشكور اخوي عاشق الحزين

[حازمي وافتخر]

يعطيكـ العافيه شاعرنا

تسلم اناملكـ على الطرح الرائع

قصيدهـ جزله

قواكـ الله ,,

[لبآ لبآ]

[align=center][/align][align=center][/align] صح ألسانك و تسلم يمناك ويعطيك العافيه[align=center][/align][align=center][/align]

[عاشق الحزين]

تسلمين على المرور

[عاشق الحزين]

مشكورة على المرور

[عاشق الحزين]

مشكور على المرور

[عاشق الحزين]

تسلم على المرور

[عاشق الحزين]

يسلمو على المرور