تويت
أودع الهوجاس وأدخل بهــوجـــاس
تضيق نفسي كل ما احد نشدها
نعم أبيها هي حياتي والانفـــاس
مفتون أنا فيـــها وقلبـي وردها
تفتن بعيونها جامعه سحر ونعاس
وعطر تعطر يوم لامس جسدها
هذي جنسها يفرق عن كل الاجناس
الله عطاها لين صارت وحدهاا
حوريه يا بدر _ ماهي مثل باقي الناس
لـــو وقفت قدام أبوها حسدهاا
يحبها قلبي بلا حد وقيـاس
لو كان والله مــا وفت في وعدها
حبي لها شوق ومعاناة واحساس
معذور لو عفت العذارى من بعدها
بين الرجا بين التفاكيــر والياس
تضمها عيني وقلبي فقدهاا
لو اٍنها حست بما صار لا باس
ترقد وجفني ليلته مــا رقدهاا
واجهتها مره من الراس للراس
وقعدت أذكرها بماضي عهدهاا
قلت انصفيني قالت الوضع حساس
قلت أسمعيني أِشرت لي بيدهاا
وراحت وأنا عروقي من الوجد يباس
تمشي بخطوات تحسب عددهاا
يضمها شعر لعب فيه نسناس
يضوي كما يضوي نار تلهب وقدهاا
هي أغلا مافي الكون هي عقد الماس
هي دانه في البحر وكلن شهدهاا
لا شافها سكران يسكر بدون الكاس
جمالها أيه والاخلاق ميزة هدفهاا
من عقبها عقلي غدا فيه وسواس
هذا قدر نفسي وهذا جهدهاا
صبرت لكن ليت صبري على ساس
يقوله اللي حاجته مــا وجدهاا
----------=============-------
اخوكم : الماجد
منقووول من الاميل
تعليق