تويت
السلام عليكم ورحمة الله وبركاته
صباحكم ومسائكم كـــادي
صباحكم ومسائكم كـــادي
يضيـق بالـي مـن الفرقـى وطاريـهـا
ويرتاح بالي بشوفك يا نظـر عينـي
اشغلـت فكـري حبيبـي وش تواليهـا
وفي غيبتك دمعة الحرمـان تشقينـي
امشي مَعَ الناس لكن دون ما اوحيها
واشلون ابنسـاك وطيوفـك تخاوينـي
إليا طرى أسمك دموع العين اغطّيها
خوفي مـن العـاذل اللّـي مـا يدانينـي
وإليا طرت لي وصوفـك جـل باريهـا
مـن فيـض زينـك تـوزّع للمزاييـنـي
تسبى النواظر بنعس اهداب تسبيهـا
ومن بسمتك تخطف قلوب الملايينـي
يا مهجة الروح روحي كيف تشقيها
صمتك ذبحني ونار الشـوق تكوينـي
اقرى الرسايـل لأجـل نفسـي اسليهـا
وأثـر الرسايـل عقـب عينـك تعنينـي
مـا باقـي الاّ طيـور الـورق الآحيـهـا
اذكر بها احلـى الليالـي يـوم تغلينـي
بعـت المحبـه مـن اول كنـت شاريهـا
وعلى الوصل والموده كنت توصيني
ماتـت ورود الـغـلا مـاعـدت ترويـهـا
ماتت سبب قسوتك يـا نـازح البينـي
حتى العهـود القديمـه صـرت ناسيهـا
ولاعـاد باقـي سـوى الـذكـرا تقديـنـي
زادت جروحـي ولا غـيـرك يداويـهـا
ليتـك تشـوف الخفايـا كـان تبكيـنـي
ضاقـت علـي الوسيعـه مَـعْ مبانيـهـا
اطوي سنين الرجا واقـول يـا وينـي
قلبـي يحبـك وعينـي سـاكـن ٍ فيـهـا
لاتـنـخـدع بـالـعـواذل والشياطـيـنـي
في روض قلبي ورودك ليت تسقيهـا
تعال واسقـي ورود الحـب واسقينـي
جاتك حروف الشّعر من قبل اسميهـا
دوّر عـبــاره تـواكــب للمضـامـيـنـي
مشاعـر ٍ مـا تبـي يــا كــود غاليـهـا
وامنتـك الله حبيبـي لا تخليـنـي ..!!
تعليق