من جديد : ~~~ جرح صاحب ... بقلمي.

[بوناصر]

السلام عليكم ورحمة الله وبركاته ..
شلونكم شخباركم ....
طبعا انا لي نصف قرن مادشيت المنتدى ....
يايكم اليوم بسلم عليكم ...
وبعطيكم وحده من تجاربي الخاصه واتمنى انها تنال رضاكم ....

جرح صاحب .
خل جرحي تكفه تكفه خله تكفه لا تجيسه
جرحي غير اللي تسبب فيه ماقد حد جاسه
ودي وما ودي افضفض . دايم الفرحه نحيسه
و الليالي متّساوه . معنى ما يبغى فرَاسه
كم دعيت الله بفظله ميحرم شخصي جليسه
كان اخو دنيه وأكثر . كان كوني وكل ناسه
وكانت أحلى أيام عمري عِشره معلونه دسيسه!!
والسبب كان التّحجر بالفكر وأهل البلاسه
كانت وكانت وكانت . فتره بالمعنى ونيسه
ودارت الدنيه برداها ولعنبو جد النجاسه.
بين شيعي وبين سني دارت الفتنه الخسيسه
وبالمواقف كل واحد فعله يعكس طيب ساسه
وانتهت عشره طويله وظلّت الغّصَه حبيسه
والخوّي اللي وفالي ثار عالماضي وداسه
ما ألومه أدري إنّه للضباع أصبح فريسه
وكل واحد يبيلاقي في حياته انتكاسه !!!!!


وهنا بصوتي

الهندال - جرحي.mp3



وسلامتكم ...


اتمنى تنال رضاكم ..
تقبلوا تحياتي
اخوكم / عبدالله الهندال
بوناصر

[عاشق الحزين]

صح لسانك

تسلم على الابيات رروعه


يعطيك العافيه

انتظار الابداع