قلبـك مثـل قلبـي مكبّـل ومسجـون ,, أحـرار مـيـر قلوبـنـا مستحـلّـه

[الذوق]

السلام عليكم ورحمة الله وبركاته


صباحكم , مساكم [ كـــادي ]

قصيدة اتمنى ان تنال على اعجابكم ,,,,

.. ღ مدخـل ღ ..


تخاف القلب لا أظلم " غلاهــ " يموت بأنوارك ؟
أبد لا تخاف متعوِّد .. على ( طعناتــ أحبابي )..
تجيني ؟
ويعني وبعدين ؟!
شسوي يعني لأعذارك !
تصوبني وترضي كل غرورك من ورى صوابي ...!!
مو ميَّة نار تحرقني ..
بقتــ بس هي على نارك ؟!
أبشرك
ما بقى [ أي شي ] .. تحرقهـ ..
كفَّوْ .. " أصحابي " !!

*

يا وسع صدري مير للضيـق مرهـون ,, وأن ما توسّـع كلّـه .. يضيـق كلّـه

يمشي تحت رهن الإشاره على الهـون ,, وترمي عليـه مـن السلـوك وتتلّـه

وسلوكها ما بيـن ناشـف ومدهـون ,, وصـدري ليـا قامـت تلامـس تعلّـه

أحيان أجامـل وأتـرك السـدّ مدفـون ,,وأضحك مـا بيـن الخطّـر المسفهلّـه

وأحيان أجي مشحون .. وأروح مشحون ,,وأقـول مـن يعقـد حجاجـي يفـلّـه

ثـلاث تحكمنـي ولا قلـت وش لـون ,,المعرفـه .. والعاطفـه .. والجبـلّـه

العقل صاحـي لكـن القلـب مجنـون ,,والكـل منهـم نظـرتـه مستقـلّـه !

يـا صاحبـي مـا للمحبيّـن قـانـون ,, والحـبّ لغـز .. ولا عرفنـا نحـلّـه

قلبـك مثـل قلبـي مكبّـل ومسجـون ,, أحـرار مـيـر قلوبـنـا مستحـلّـه

عسى الغـلا لازال بالحفـظ والصـون ,, والله يبيـحـه لا تـغـيّـر مـحـلّـه

أهديتنـي جمـره علـى راس غليـون ,, وأهديتـك مـن العمـر شيحـه وفلّـه

ورغم إختلاف المـدّ لا زلـت ممنـون ,, والشـوق يآخذنـي علـى كـل ملّـه

فوّحت دمّي لين صـار أشقـر اللـون ,, وأخـذت مـن مجـراه فنجـال دلّــه

ما غير أغنّي فيك لـو كنـت مغبـون ,, يا ملّ قلبي من غرامك يـا مـن لّـه !

دايم ضحايا العشـق لإجلـه يضحّـون ,, كم فاض مـن كثـر الضحايـا سجلّـه

وأنـا غديـت بحكـم فاتـن ومفتـون ,, راضي بحكـم الحـبّ .. والحكـم للّـه

وأن قام يكبـر بيننـا شاسـع البـون ,, أرفـق علـيّ وشاسـع البـون قلّـه

عـز الله أنّ الشـكّ ماهـوب مامـون ,, سيـف الجفـا البتـار يمكـن يسلّـه

أقنع لو أنّ الحال مـن دون فـي دون ,, وأخـذ الكـلام اللـي عليـه الأدلّــه

لا تشتكي لـي والعـرب وش يقولـون ,, شكـوا ً لغيـر الله تـراهـا مـذلّـه !

وسلامتـكم

لــ مبدعها [ ســداح ]

.. ღ مـخـرج ღ ..

[ أبيـــك ]
وأرفض " الواقـع " وأجاهـر للمـلا .. ملهـوفـ !!
إذا كان الأمـل شوفـك ؟
بقايـا العمـر .. بـ ترابـك !
[ أحبــك ]
فوووق هالدنيا .. واسابق في مـداك ( حـروف )
وأعاند كل كلماتـي / وأضيـع بعـد أسبابـك !!

[ غلاتـي ]
لو هي الدنيا حديث ٍ يشفع لمشغـوف !
لا أقول العمر لـك " دنيـا "
وأنـا موجـود واحيابـك !!

[HaWiTeK]

رد: قلبـك مثـل قلبـي مكبّـل ومسجـون ,, أحـرار مـيـر قلوبـنـا مستحـلّـه

صح السانك ولسان شاعرها

روعه في الاختيار

يعطيك العافيه اخوي الذوق

بنتظر جديدك القادم

[الشرير اللذيذ]

رد: قلبـك مثـل قلبـي مكبّـل ومسجـون ,, أحـرار مـيـر قلوبـنـا مستحـلّـه

ثـلاث تحكمنـي ولا قلـت وش لـون ,,المعرفـه .. والعاطفـه .. والجبـلّـه
العقل صاحـي لكـن القلـب مجنـون ,,والكـل منهـم نظـرتـه مستقـلّـه !




قـَصِيَّدَةَ جَمِيَـلَةِ جِدَّاً ,, أَخْتِيَّـآرٍكْ مـُوِفِقَ ~



دُمِتَ كِمَآ تـُحْبَ ~