ان كان بك للدمع نيات واعزوم ~~ تعال حاسبني وعقبه باحاسبك

[الذوق]

.. مدخل-

مُسّتَحِيِل أَتّخًيَـلٍ الدِنّيَآا بَلآكٍ ..
أَنـ تٍ لِيِ مَادَامٍ لٍيٍ قَلّبٍ خَفُوٍقْ ..
جًآآكٍ قَلّبِـيٍ بِالهَوٍى مَلّيَآنٍ جَآاكٍ ..
وِإِجّتِمَـعٍ حُبَكْ وٍدَمِيِ بِالعُرُوٍقِ ..

يا قلبي اشغيت المدامع ولا لوم
حزن ذبح الاشواق فعيون صاحبك !!

ان جيت لك مهموم وإن رحت مهموم
أعاتب الايام ولا اعاتبك !!

امشي معا الطرقات .. والدرب مزحوم
والناس منكبها على راس منكبك

شقي وقت .. وباقي احلامي نجوم
والهم خيل ن بين الاظلاع له دبك

شاري سهر .. والليل بايع له النوم
اقراك يا حلم خذاا الحال واكتبك

مرات احسك .. شي كايد ومعدوم
ومرات اقول فخاطري ياااه مقربك !!

حاربتني .. لين امتلى صدري سهوم
وانا آتأمل فيك .. وشلون أحاربك !!

مشاعري يا حزن ما تقبل السوم !!
ليه اتعقبني وانا ما آتعقبك

إن كان بك للدمع نيات وعزوم
تعال حاسبني .. وعقبه باحاسبك

مابه أمل يا حزن نفرح ولو يوم
ابك الحياه البائسه يا حزن ابك !!

ماني الوحيد اللي من الوقت مظلوم
لكن انا اللي في حناياه يشربك

مكره غلا لا شك ماني بملزوم
اكذب على نفسي وانا عكس مذهبك

يا صاحبي يا الحزن .. يا جعلك القوم
صرت الرفيق .. ومطلبي صار مطلبك !!

وإما وصلت لغايتي عشت محروم
والى حرموني غايتي مات صاحبك

مخرج ..

كِلٍ يُوٍم [ أَحِبَـ كِ ] أَكّثَرٍـرٍ .,
كِلِ يُوٍم يِزّدَادِ فِيِ [الغَرَامٍ]
وٍيِـرٍقَـ ى وٍيِـكّبَـرٍ ..
وٍكِلٍ يُوٍمٍ يِغّدَى قَلّبِيِ [الهِيِآمٍ]
فَـيِنّمُـ وٍ وَيُـثّمِـرٍ .,
وٍكِـلٍ يُوٍمِ وٍحُبَـكْ يَسّمُـوٍ
وٍكِل يُوٍم بِحُبَـ كْ أَفّخَـرٍ ..

[عاشق الحزين]

رد: ان كان بك للدمع نيات واعزوم ~~ تعال حاسبني وعقبه باحاسبك

تسلم على الطرح المميز
وكلمات جميله وفي قمه الروعه
عسي الله لايحرمنا من يديدك

[سآرونه]

رد: ان كان بك للدمع نيات واعزوم ~~ تعال حاسبني وعقبه باحاسبك

إن كان بك للدمع نيات وعزوم
تعال حاسبني .. وعقبه باحاسبك


قوآك الله ، تقبل مروري ..

[الشرير اللذيذ]

رد: ان كان بك للدمع نيات واعزوم ~~ تعال حاسبني وعقبه باحاسبك

[align=center]يـا سـلام عليك يا الـذوق ..




عـودة مـميزة , وإشتـقنا لنقـلك الـراقي .. :(








ودّي[/align]

[الذوق]

رد: ان كان بك للدمع نيات واعزوم ~~ تعال حاسبني وعقبه باحاسبك

تسلم على الطرح المميز
وكلمات جميله وفي قمه الروعه

عسي الله لايحرمنا من يديدك

الله يسلمك يارب

كل الشكر لك على مرورك فديتك

[فزولهآ]

رد: ان كان بك للدمع نيات واعزوم ~~ تعال حاسبني وعقبه باحاسبك

هالله هالله وربي ذووق يالذوق قصيده جزله من شخصك الكريم تحياتي لك

[الذوق]

رد: ان كان بك للدمع نيات واعزوم ~~ تعال حاسبني وعقبه باحاسبك

إن كان بك للدمع نيات وعزوم
تعال حاسبني .. وعقبه باحاسبك


قوآك الله ، تقبل مروري ..

الله يقويج يا سارونه

كل الشكر لج على مرورج