بضم صدرٍك لين تصبح على خيرٍ ..!

[بيتهوفن]

افتح شبابيك الغلا جيتك اليوم"
بحساس من زود الغلا وده يطير"

جيتك مثل طفل له أيام محروم"

عن حضن امه أبعدته المقادير"

وجيتك مثل عودن له أيام مهموم"

وده يلاقي باآخر العمر تقدير"

وجيتك حضن عاشق وهيام مغروم"

وده يضمك لين تصبح على خير"

متى تحس أن الهوى شي مقسوم"

من قسمة الخالق على خلقه يصير"

متى تحس اني لك أطيح وأقوم"

وأتعب على شانك وأقدرك وأغير"

لي في هواك أحلام وآمال وعلوم"

وأحزاب وأصحاب وقصيد وجماهير"

وهموم وأفكار وهواجيس وحلوم"

ودروب وأخطار وعذاب ومشاوير"

وحب وغلا وإخلاص ومعاند ولوم"

واحساس وإلهام وشعور وتفاكير"

وصحبة سهر ومقاطعة لذة النوم"

وأشواق جياشه وعشق وتعابير"

في ذمتك مابان لك شي مكتوم"

من بعد ماصورت الأوضاع تصوير"

لاتحسب أنك شي عابر ومعدوم"

في ذمتي حبك يفوق الأساطير"

كني لقيتك بأغنيه لأم كلثوم"

وكني قريتك في رواية شكسبير

من ماضي الأيام ليومك اليوم"

وغلاك عندي ماحصل فيه تغير"

وأنا لك الله ما أقبل البيع والسوم"

ولا أرضى علي ولا عليك المخاسير"

لأني الوحيد اللي على بحرك يعوم"

واللي عرف مرساه في رحلة السير"

لحظه حبيبي قبل يسبقني النوم"

بضم صدرك لين تصبح على خير "

دمتم ..
:\

[أحـّ م ـد]

رد: بضم صدرٍك لين تصبح على خيرٍ ..!

وجيتك مثل عودن له أيام مهموم"

وده يلاقي باآخر العمر تقدير"


يعطيك العافيه .. اخوي بيتهوفن ابدعت بالأختيار
أمتعتناا

[سآرونه]

رد: بضم صدرٍك لين تصبح على خيرٍ ..!

متى تحس اني لك أطيح وأقوم"

وأتعب على شانك وأقدرك وأغير"

<< يسسعدني اكون موجودة بكل موضوع تذرفه ..
القصيدة جداً عجبتني ذوووووووق باختياااااااارك ..

[بيتهوفن]

رد: بضم صدرٍك لين تصبح على خيرٍ ..!

الله يعافيك أخوٍي أحمد ..

حياك ربي في كل وقت
:\

[بيتهوفن]

رد: بضم صدرٍك لين تصبح على خيرٍ ..!

انا الي يسعدني . تواجدش ..
ماتنحرم هالطلّله ..
:\

[الشرير اللذيذ]

رد: بضم صدرٍك لين تصبح على خيرٍ ..!

[align=center]كل الـشـُكر لك على القـصيدة الروعـة ..




لا عـدمنا يميـنك يا الغـالي .~











ودّي

..[/align]

[بيتهوفن]

رد: بضم صدرٍك لين تصبح على خيرٍ ..!

العفو ..
انا الي شرّفني تواجدك ..
:\