تويت
قرب وهات السوالف جعل يفدونك
ناسن تموت بغياب الخل عن خله
أهم حاجة احبك لا يهمونك
وان كان منته مصدق قلتلك والله
أوعاد تدري ابشرح لك على هونك
وابيات شعري من الخفاق منهله
القلب حاله من أسوا حال من دونك
والله لتعرف غلاك ان الله امهله
لو تطلب الكايده ما خيب اظنونك
الصعب اعقده لأجل عينيك واحله
يكفيني انك وفيت وجيت مفتونك
في حب وافي يهز القلب ويتله
وانا لك الله بحفظك حيل واصونك
نام وتريح مدام الشوق في حله
حتى بمنامي مع الأحلام ما خونك
ما عاد فيني بقى ما راح لك كله
ضعت بشواطي هواك وصرت مجنونك
والحاسد اللي بغاني مات في غله
ما يدري اني متيم فيك مرهونك
وان المشاعر على طاريك مبتله
وما يدري ان الوفا من اصغر افنونك
والطيب كانه وطن ما غيرك احتله
يعني تأكد محال اعيش من دونك
لا يا بعد من يصد الخل عن خله
واكثر تبي وش تبي واقول لعيونك
صاحبك من خلقته ما يعرف الذله
http://www.youtube.com/watch?v=tF9EfcXoLj4
.gif)
.gif "Smile777 (46)")
تعليق