عمر الصقر ما هيبتْــه الحمامه

[خشوووش]

يا صاحبي هذي السوالف مهي لي
عمر الصقر ما هيبتْــه الحمامه

أحدٍ يـجي ويقابل السي بالسي
أما انا... أقابله بابتســامه

منهاج قلبي يرسمنه له ايدي
يعني يموووت ولايبيع احترامه

ما همني هذي وهذي ولا ذي
قلبي يهيم ولا يهينه هيامه

يا حاجة الضميان في رشفة المي
في موقعٍ عيت تشيله عظامه

هي حاجتي بالضبط لأشعة الضي
يمكن يودع بعض ليلي ظلامه

تدري متى تبكي صديقك وهو حي ؟
إذا دريت إنه يبيع الكرامة

يا وي من وقت التعاجيب يا وي
كل ٍ يقول أنا زعيم الفهامة

اسمع كلامي وانتظر انطر شوي
خل الملامه خل عنك الملامه

إذا فقدتك أنت بالذات من لي ؟
أبقى وحيد ليا نهار القيامه

وإن جالك السافل يبي خوتك عي
والله لتطلع لك من الطيب شامه

لا تعتذر ما تجتمع شمس مع في
عذر البخيل إنه كثيرٍ صيامه

قالوا من أول آخر علاجها الكي
يمكن يفيد الكي مع الرخامة

إن جيت او ما جيت عادي ولا شي
موقف وعـدّا وانتهي بالسلامه

تدري متى تبكي صديقك وهو حي ؟
والله ( قسم ) إن فارقته الكرامه

اتمنى تعجبكم مثل ما اعجبتني

[سعود نت]

رد: عمر الصقر ما هيبتْــه الحمامه

وإن جالك السافل يبي خوتك عي
والله لتطلع لك من الطيب شامه

لا تعتذر ما تجتمع شمس مع في
عذر البخيل إنه كثيرٍ صيامه

قالوا من أول آخر علاجها الكي
يمكن يفيد الكي مع الرخامة

صح لسان قايلها

وتسلم يمينك يا خشوش

اختيار راقي

سعود نت

[خشوووش]

رد: عمر الصقر ما هيبتْــه الحمامه

اسعدني مرورك يا الغالي

و بيض الله وجهك على الرد

[دقات قلبي]

رد: عمر الصقر ما هيبتْــه الحمامه

منهاج قلبي يرسمنه له ايدي
يعني يموووت ولايبيع احترامه




صح لسانك ولسان كاتبها


اكيد بتعجبنا دام اختياراتك رائعه


احترامي لك


دقات قلبي

[خشوووش]

رد: عمر الصقر ما هيبتْــه الحمامه

اسعدني مرورك يا الغلا

و بيض الله وجهك على الرد