إعـــــــلان

تقليص
لا يوجد إعلان حتى الآن.

(( ياطول صبري عليك وكثر غلطاتك == ويا قو قلبك على هجراني وصدي ))

تقليص
X
تقليص
 
  • الصفحة لـ 1
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق template التالي
  • #1

    (( ياطول صبري عليك وكثر غلطاتك == ويا قو قلبك على هجراني وصدي ))




    يا طول صبري عليك وكثر غلطاتك
    ويا قو قلبك على هجراني وصدي


    ياليت قلبي يعرف يسوي سواتك
    وياليت عيني تطيع لقولتي لدي


    مع ان عيني نظرها شوف نظراتك
    لكنْ قد لي سنه ما ني بمتقدي


    ومع ان نبضات قلبي لاجل نبضاتك
    خليت قلبي يجيب اشواق ويودي


    ومع انك تعرف وش يعني لي سكاتك
    سكت ,, كنّك معاند لي ومتحدي


    حتى على اذني بخلت بحس همساتك
    ما تسمع الا صدى دمعي على خدي


    بخلت بمواجهك وبهمس كلماتك
    وخليتني للهموم وبيّحت سدي


    خلتني اشك في حبك وفي ذاتك
    وخلتني ارجع ورى من كنت متعدي


    لكنها وضحت لي ويش نياتك
    وخلتني اعرف غلاي بقلبك و ودي


    لو كنت غالي ؟ ما صرت آخر عباراتك
    اللي تسولف بها من باب .. شف ردي


    ولو كان لي ود ؟ ما قصرت خطواتك
    واصبحت تمشي ثلاث امتار وتهدي


    وقفّيت وانا ارقبك وارجي تلفاتك
    واخفيت زولك وانا خدي على يدي


    ومن كثر ماني بسامح كل هفواتك
    اقول: أزمه تمر شوي وتعدي


    لكنك تحدني وتزيد سياتك
    وحديتني لين ما وصلتني حدي


    والله ما كان لي نيّة مجازاتك
    لكن تعال ونبيّن مدك ومدي


    راجع حساباتي وراجع حساباتك
    واهدى وركز وميّز مزحي و جدي


    انا موفّي غلاك وكسب مرضاتك
    والا انت مخطي .. ومتردي .. ومتردي


    كنك تباهي بظلمك واعتدائاتك
    وكنك تقول اذبحه واحييه .. من قدي؟


    وكنك تجاهلني لتحقيق رغباتك
    مع انك تعرف ابوي وخالي وجدي


    وانا بعد كل ما جا من حكاياتك
    ماعاد عندي مجال اعيد لك عدي


    هذي ملفاتي وهذي ملفاتك
    وبروح ما قلت ميد اوراقي اسوّدي


    صحيح احبك .. وعمري رهن لحظاتك
    لكن تماديت في بنياني وهدي


    انا انتهى وقتي وذي كلمه وجاتك
    والا انت لا صرت تبغي وقتك يمدي؟؟


    تعال .. يمديك تمحي كل زلاتك
    صحيح قفّيت لكن ما هو بودي


    بوقف شوي ,, والحق كل ما فاتك
    والا تراني نويت اروح من جدي

    الكلمات الدلالية (Tags): سترى, على, عليك, غلطاتك, قلبك, قو, نشيد, هجراني, وكبر, ويا, ياطول
  • #2
    رد: (( ياطول صبري عليك وكثر غلطاتك == ويا قو قلبك على هجراني وصدي ))

    والله ما كان لي نيّة مجازاتك
    لكن تعال ونبيّن مدك ومدي



    راجع حساباتي وراجع حساباتك
    واهدى وركز وميّز مزحي و جدي



    انا موفّي غلاك وكسب مرضاتك
    والا انت مخطي .. ومتردي .. ومتردي





    صح لسانك ع القصيدة الجزلة


    اختيار موفق


    تقبل مروري


    اختك دقات قلبي


    {..كِلْ دَقة قَلْبْ فٍينِي لَكْ قَصيدٍهـ
    تَكْفٍي الدِنْياَ مَعَ الأحبْآب غِنْوـهْ..}
    وكِلْ هَاجِسْ مَايجِيبْ إلآ خَيَالكَ,,,
    سَلْوَتِي بِآلعُمْرٍ فيٍ صَحْوَـه وغَفْوَـه ..}

    تعليق

    • #3
      رد: (( ياطول صبري عليك وكثر غلطاتك == ويا قو قلبك على هجراني وصدي ))

      صح لسانك وصح لسان شاعرها

      تسلم على القصيدة


      تعليق

      • #4
        رد: (( ياطول صبري عليك وكثر غلطاتك == ويا قو قلبك على هجراني وصدي ))

        المشاركة الأصلية بواسطة دقات قلبي مشاهدة المشاركة
        والله ما كان لي نيّة مجازاتك
        لكن تعال ونبيّن مدك ومدي



        راجع حساباتي وراجع حساباتك
        واهدى وركز وميّز مزحي و جدي



        انا موفّي غلاك وكسب مرضاتك
        والا انت مخطي .. ومتردي .. ومتردي





        صح لسانك ع القصيدة الجزلة


        اختيار موفق


        تقبل مروري


        اختك دقات قلبي

        صح ابدنج

        كل الشكر لج على مرورج

        تعليق

        السابق template التالي
        يعمل...
        X