واهني اللي وسيع الصدر .. صدره وسع فله ..

[وصايف q8]

صباحكم // مسائكم خير ..


قصيده "المفارق"

والله أنى كنت ألوم اللي يضيق أن غاب خله
لين جربت المحبة والفراق وقلت توبة

لعنبو جد المفارق فيه هم وفيه ذله
أثر كل الحب لذة والفراق أكبر عيوبه

أمس فارقت الغلا ومفارق الخلان عله
والعلاج الوصل لا تبلش طبيب ولا حبوبه

الزعل هو سبه الفرقا يهز الحب كله
ليتنى طولت بالى قبل لا يعلن غروبه

وأهني اللي وسيع الصدر.. صدره وسع فله
غلطه الصاحب تجئ وتروح ماهب محسوبة

عارفً قدره.. وقدر اللي يحبه في محله
ذاك نفسه لا حشا ماهى على الحب مغصوبة

ليش تحسب غلطه الصاحب على الصاحب مذله
ليش ماتحسب ميانه لو تجئ عشرين نوبه

لا وربى.. كنت أحبه حيل مادورت زلة
لا تشكك في غلاه ولا تساعد في هروبه

لايمى قبلك تعبت ألوم شعار المجلة
وكنت مؤمن في مقوله أعذب الشعرالكذوبة

وأثر كلن في حياته له تجارب مستقلة
وأنت لا تشره على مثلى وتبلا لك بحوبة

كان جابتك.. الحميه روح له تكفى وقله
لا يخليني وإذا وده يخفف من ذنوبه

يستخير وله غلا قلب صدوق مايمله
فدوه له كل قلبي من شماله لي جنوبه

يوم قفي والخفوق يفوح عقبه فوح دله
وسط وقدرة واحد عز الشتاء والسهر دوبه

لا تقهوى باردة من برد فنجاله وزلة
ثم قربها على جال الجمر وأرهى شبوبه

وين يدله هالخفوق وكل مايدله يتله
طاري اللي ياكثر ماأتعبت رجلي في دروبه

لا طرى جريت ونه من بلاده مستحله
مثل ماراحت بلادي مع شعارات العروبة

كل هاجوس يجيبه جعل شعري فدوه له
وأعذابى كل ماجبت لي الجبلةهبوبه

مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبة

ماسمعت أن الخوي له بالخوي تسعين زلة
وأنت طوف زلتي ياعل تقداك اللعوبه

صاحبي سيف الهجر لا صرت تقدر لا تسله
ماتظن أن العفو عند المقدرةاكبر عقوبة

إيه أنا اللي كنت ألوم اللي يضيق أن غاب خله
لين جربت المحبةوالفراق وقلت توبة

اتمنى ان تنال اعجابكم ..

[عاشق الحزين]

رد: واهني اللي وسيع الصدر .. صدره وسع فله ..

صح لسانج وصح لسان شاعرها

يسلمو على القصيدة

يعطيج العافيه