أحلى كلام

[بنــت النــور]

تشتكي له خيانة حبيبها الي هو صديقه..و علشان خاطر عيونها جمعهم





اخليكم مع السالفة:

جت تشتكي..جت ترتجي

جتني بكل همومها..جتني بكل علومها..كانت تقول

إن الوفا قد مات..و إن الأمل قد فات.

.....

كانت تشد بشعرها..و أغمي عليها من التعب..

و توي بعد ما فهمت وش السالفة..

حاولت أكفكف دمعها..حاولت أهدِي روعها..

و سألتها وش اللي حصل..تكلمي بس بمهل..

عساي أعرف السالفة..

.....

و ردت علي بدموع..سمعتها بصوت خفي..

تشكي علي أغلى رفيق..اللي طعنها بصدرها..

تشكي علي أغلى رفيق..اللي رحل مع غيرها..

و ردت تشد بشعرها..وتوي فهمت السالفة..

و يا ليتني ما فهمتها..لأني أنا اللي أحبها..

.....

حبيبتي آه لو تدرين.. إني أحبك من سنين..

حبيبتي آه لو تدرين..في داخلي شوق و حنين..

للأسف مقدر أبوح..بداخلي بأخفي الجروح..

و أدفن بقايا السالفة..

.....

حبيبتي أبوعدك..مادام هذا بيسعدك..

في ظرف ساعة بأجمعك..باللي تبين..

و اللي حصل جمعتهم..و رجيتهم..

و حطيت إيده بإيدها..و إيدي أنا من بينهم..

و تعاهدوا إنه أبد ما يخون..و إنها بعد ما تخون..

و تعانقوا و طال العناق..و نسوا يدي ما بينهم..

.....

و غصب علي..

صدري علي ضاق..و دمعي بخدي راق..

و سحبت إيدي بهدوء..

و ناظرتهم و بداخلي بركان..

.....

لأني أشوف حبيبتي قدام عيني تنحضن..

و اللي حضنها..أغلى صديق..

و اللي حضنها..أغلى رفيق..

جرحتني جرحين في وقت واحد..

جرح الفراق..و جرح يوم التلاقي




تحيااااااااااتي

[EviL1112]

يا حلاتج وحلات الكلام يا بنت النور وتسلمين على هالكلام :)
والى الامام دائما :)

تحياتي
EviL

[بنــت النــور]

شكرا لك عزيزي على مشاركتك وتواصلك الجميل

احييك على التحفيز والتشجيع وانشالله اكون عند حسن ظن الجميع
:)

[EviL1112]

انشاءالله ليش لا :)
والى الامام دائماً :)

[mohamed nabil]

يا سلام عليكي روعه روعه

[بنــت النــور]

تسلمولي وعساني مانحرم من هالتشجيع :)

تحياتي :)

[AL_MoHaNdS]

مشكور اخوي على مواضيعك الروعه

[بوشوق]

صراحـــه ابداع غير معقول كلمات تفوق الوصف
وانا اشهد على ماكتب بالمنتدى ما جبت مثل
جمال هالقصيده اختي بنت النور بس منو صاحب
القصيد الاكثر من رائعه وتشكرين على الاختيار الرائع
اخــــــــــــــــوك
بوشوق

[بنــت النــور]

تسلملي والله اخوي العزيز بوشوق :)

اشكرك على تواصلك كلامك الحلو

تحياتي لك ولكل من شارك بالموضوع :)

[همس الورد]

لأني أشوف حبيبتي قدام عيني تنحضن..

و اللي حضنها..أغلى صديق..

و اللي حضنها..أغلى رفيق..

جرحتني جرحين في وقت واحد..

جرح الفراق..و جرح يوم التلاقي




احلى كلام عن جد

تسلمي حبيبتي....

وللأمام دايما.....


همس..................

[بنــت النــور]

شكرا عزيزتي مادري عزيزي همس :)

تحياتي لك

وماتقصر على ردك وتواصلك الجميل