يالله طـلـبـتـك والـمـدامع حـزيـنـه..~

[قلب انثى]

يالله طلبتـك والمدامـع حزيـنـه
يا الله طلبتك وازرق الدمع همـال
بي ضيقةٍ لـو تنتشـر فـي مدينـه
والله فلا يضحك بها حتى الاطفـال
مسكيـن قلـبٍ فارقتـه السكيـنـه
قلبٍ يقطعه الآسى من غثى البـال
امـن القهـر قـام يتزايـد ونينـه
ينوح نوح اللي تعلت على الجـال
يرجف من اللوعات رجف المكينـه
تلوعه الدنيا علـى شـط الاهـوال
امـن اولٍ كانـت جروحـه دفينـه
واليوم اصبـح للغرابيـل مدهـال
باح العـزاء والقلـب بيـح كنينـه
ولاعاد باقي للصبـر فيـه مثقـال
يصيح باعلى الصوت يامن يعينـه
يامن يوصل شيخنا الظلـم بالحـال
قولوا له ان الظلـم اكبـر غبينـه
لجا من اللي بالعدل مضرب امثـال
دسوا عليه اهـل الوجيـه اللعينـه
اهل الوجيه الكاذبه قـول وافعـال
حطوا المظالم تحت اسمـه رهينـه
وحطوا السيادي دونهم ستر وظلال
وقاضي المظالم كف عنهـا يدينـه
وقال السيادي مالنـا فيـه مدخـال
اعرض على اللي بالعدل خابرينـه
اللي مضاريبه على الظلـم تنهـال
شيخٍ على الفزعات يضوي جبينـه
بس الوصل دونه رجاجيل واقفـال
والشيخ ماهو شمس يشـرق بعينـه
بالعدل وصى وبعضهم خان الامال
ياما على العادل تطـوف الرطينـه
وياما مع الطيب يخونـون الانـذال
ماتصفـق اليمنـى بليـا عويـنـه
ومايروي الظميان طرد اشهب اللال
اضـرب بعدلـك تستقيـم السفينـه
اضرب بعدلك اسـودٍ كنـه الشـال
بالعدل .. تصبح كل عجفـا سمينـه
وبالظلم .. تجنح كل خصبا للامحال
ياقلـب لاتحمـل عليهـم ضغينـه
يكفيكهـم عالـم خفيـات الاحـوال
ياقلـب تُفـرج والفـرج محترينـه
بامر الذي انزل تبـارك والانفـال


راقت لى وكثيراً ..~

[سآرونه]

رد: يالله طـلـبـتـك والـمـدامع حـزيـنـه..~

يعطيج العافية ع هالنقل ولاهنتي

[شموخ أنثى]

رد: يالله طـلـبـتـك والـمـدامع حـزيـنـه..~

سلمت يــداج ويعطيج العافيه

[لبآ لبآ]

رد: يالله طـلـبـتـك والـمـدامع حـزيـنـه..~

يعطيك العافيه و ما قصرت ..




صصصصصح إلـسسسآنكـ ..


تقبل مروري ..

[حاولت اعديها]

رد: يالله طـلـبـتـك والـمـدامع حـزيـنـه..~

مسكيـن قلـبٍ فارقتـه السكيـنـه
قلبٍ يقطعه الآسى من غثى البـال

يعطيج العافيه صراحه احسنتي الاختيار والله قصيده ورعهـ : تقبلي مروري

[أحلام وردية]

رد: يالله طـلـبـتـك والـمـدامع حـزيـنـه..~


تسلم يمينك على الطرح الرآئــــــــــــــع..
يعطيــــك الــــف الـــــف عـــــــآآآآفية
الله يحفظك ويرعــــــآآك ..