ماكل جرحٍ لاخذا أيام يبرى .. بعض الجروح يزيد شره مع الوقت ..||

[بنوتة ملاك]

لاتنشغـل فينـي.. أنابحالـي ادرى
قلبٍ تعلّق فيك ينسى مع الوقـت


اكثرمن اللي صارلي ويش يجـرى
بين الرجاوالياس فكـري تعلّقـت


مثلي.. ولوشفته عن همومه ازرى
ماقال ليتك في جروحـه / ترافقـت


هاك القصايد/ لاتضايقـت واقـرى
شف وشكثرفيها.. لبسماتك اشتقـت


أثر/ الوفا / ينبـاع عنـدك ويشـرى
ماكنت اصدق فيك.. واليوم صدّقـت


يامشتهي فرقا المواليـف ".. حـذرى
تبعد وأنا من سكرة الحب مافقـت


لاطافت الفرصه تحريت الاخـرى
وتروح ماكنـي.. عليهـا تشوقـت


ساري لو إن الليل مافيه قمـرى
اشيل من حمل الهوى فوق ماطقت


لاصارحـظ أقشروالايـام قشـرى
مافيه احد عاقل/ يلومك إلياضقـت


صحيح بعض الناس ؛؛ فرقاه بشـرى
وبعض البشرلاغاب.. ليله تضايقـت


ليتك خذيت بليل الاحباب مسـرى
غربت من كثر الطواري وشرّقـت


السيل يبقاله على القـاع مجـرى
ويبقالـك التذكار لوكنـت فارقـت


اشوف لك من وين مارحت ذكرى
ولاشفتها صديـت عنهـا ودنقـت


ماكل جـرحٍ .. لاخـذا أيـام يبـرى
بعض الجروح يزيد شره مع الوقت

[شموخ أنثى]

رد: ماكل جرحٍ لاخذا أيام يبرى .. بعض الجروح يزيد شره مع الوقت ..||

يامشتهي فرقا المواليـف ".. حـذرى
تبعد وأنا من سكرة الحب مافقـت


يعطيييج العافيـــــــــــــهــ ..

[أحلام وردية]

رد: ماكل جرحٍ لاخذا أيام يبرى .. بعض الجروح يزيد شره مع الوقت ..||

كلماااات في قمه الابدااااع
تسلم يدينك
على
الطرح الرائع
"
"

[بنوتة ملاك]

رد: ماكل جرحٍ لاخذا أيام يبرى .. بعض الجروح يزيد شره مع الوقت ..||

مشكورين على مروركم آآلعطر
دمتم بحفظ الرحمن