ياهي‘ـِـِـِه إلتف‘ـِـِـِت لي وإس‘ـِـِـِمع دع‘ـِـِـِاي لك يـاهي‘ـِـِـِـه

[~afla6on~]

ياهيه إلتفت لي وإسمع دعاي لك يـاهيـه ..

. . . . . . . . . . ترى عادتك تشبـع مـن البعـد واتواجـــه ..!!

دعيتك بصوتٍ ياصلـك ليـه مـا توحيــــــــه ..

. . . . . . . . . . وأنا أسمع ضلوعك من صدى الصوت لجاجه ..!!

عليـك الفـؤاد إخلاجـه مصمـخ راعيـــــــه ..

. . . . . . . . . . خف الله في راعيـه مـا تسمـع إخلاجـه ..!!

ترى العفو قد جـاك أولـه وإغتنـم تاليــــــه ..

. . . . . . . . . . وترى الحلم بحرٍ غيـر لا تامـن أمواجـه ..!!

وترى الـود ليـلٍ مظلـمٍ جيتلـك ساريـــــه ..

. . . . . . . . . . سراجه وصالـك والجفـا ينفـخ سراجـه ..!!

وترى قصرنا اللي كم سنة نجمـع ونبنيـه ..

. . . . . . . . . . هوى العذل طيـح بابـه العـود وسياجـه ..!!

لي أيام مـدري ويـن دارك ولا أدري ليــــه ..

. . . . . . . . . . وأنا خابـر إنـي بـاب شفـك ومزلاجـه ..!!

غيـابٍ بـلا سبـة هجـــــــادٍ بـــــلا تنبـيـــه ..

. . . . . . . . . . وجفا أغلى العرب نارٍ على الكبـد وهاجـة ..!!

نضج قلبي من البعـد وش حاجتـك تكويـه ..

. . . . . . . . . . جفاك الجمر والصبر فـي بعـدك الصاجـه ..!!

وطبع حبـك بقلبـي والأيـام مـا تمحيـــه ..

. . . . . . . . . . هـذا هجـرك يحـاول يموجـه ولا ماجـه ..!!

يموت الأمـل لكـن ظنـون الغـلا تحييــــــه ..

. . . . . . . . . . وعروق الوفـا فالـروح والقلـب وجاجـة ..!!

خبرتوا حدٍ يبكـي علـى واحـدٍ يبكيــــــه ..

. . . . . . . . . . وخبرتوا حدٍ مسجون ما يبقـي إفراجــه ..!!

أحبـه ولا أبغضتـه علـى شـيٍ يسويـه ..

. . . . . . . . . . ولا زالـت رقـاب الرجـا فيـه منعـاجــــــــة ..!!

عسى منزلٍ ضمه حقـوق الوسـم تسقيـه ..

. . . . . . . . . . وتضحك له الدنيا وهـو يضحـك حجاجــــه ..!!

فقد خاطـري شـي مـن الضيقـة مسليـه ..


. . . . . . . . . . وغدت روحي من النـاس والليـل هجاجـة ..!!

أروح لمكـانٍ خابـره .. خابـره يأتـيــــــــــه ..

. . . . . . . . . . أسوق القدم صوبـه وهـي مالهـا حاجــــة ..!!

مكـانٍ نزيـه وأول مواجهـي لـه فـيــــــــه ..

. . . . . . . . . . وأنـا خابـرٍ مـا رجـل مثلــــــــــه بــــدواجـــة ..!!

لعل وعسـى مـا حدنـي للمجـي يدعيـه ..

. . . . . . . . . . وأشوفه وأنـا مـا ودي أسبـب إحراجـــــــه ..!!

يحب الجريح آخـر دروب اللقـى ويجيــــه ..

. . . . . . . . . . وتحـب القـدم جيـة مكـان أول مواجـــــــه ..!!

[سآرونه]

رد: ياهي‘ـِـِـِه إلتف‘ـِـِـِت لي وإس‘ـِـِـِمع دع‘ـِـِـِاي لك يـاهي‘ـِـِـِـه

يعطيك العافية ع هالنقل .. ولآهنــت ..~

[~afla6on~]

رد: ياهي‘ـِـِـِه إلتف‘ـِـِـِت لي وإس‘ـِـِـِمع دع‘ـِـِـِاي لك يـاهي‘ـِـِـِـه

الله يعافيج ونورتي

[وصايف q8]

رد: ياهي‘ـِـِـِه إلتف‘ـِـِـِت لي وإس‘ـِـِـِمع دع‘ـِـِـِاي لك يـاهي‘ـِـِـِـه

يموت الامل ولكن ضنون الغلا تحييه ..
وعروق الوفا فالروح والقلب وجاجه ..

أجمل قصائد بن فطيس..

وكل بيت فيها يعتبر حكايه ..


تسلم ع الاختيار الطيب ..

[~afla6on~]

رد: ياهي‘ـِـِـِه إلتف‘ـِـِـِت لي وإس‘ـِـِـِمع دع‘ـِـِـِاي لك يـاهي‘ـِـِـِـه

الله يسلمج و يعافيج علي المرور الطيب لا هنتي وصايف

[بنوتة ملاك]

رد: ياهي‘ـِـِـِه إلتف‘ـِـِـِت لي وإس‘ـِـِـِمع دع‘ـِـِـِاي لك يـاهي‘ـِـِـِـه


طرح مره مميز وفي قمة الروعه والجمال
يعطيك الف عافيه يارب