تويت
صباااح الخيررر
للتواصل معكم أحبتي
والمعذرة على الغياب ومن التقصيررر
خلوني انظم جزل شعر بوليفي
وش دخلكم في بالشعر ياملاقيف
في وصف محبوبي ف شعري بكيفي
زينه يتعب بالخيال التواصيف
واليا قريتو نبض بالفكر طيفي
هذا ترى ابصط من حلاياه توصيف
اشوف في زين الحلايا النحيفي
جمال في وصفه قسم مابعد شيف
شعري بوصف احبيبي هو شويفي
من غير في نظم القصايد لا توليف
بنت الكريم ابن الرجال الشريفي
اللي توجب بالكرم قلطت الظيف
ماكتب بها الشعر الهزيل الضعيفي
نبض المشاعر في حلاها على الكيف
الخشم كنه ياعرب سل سيفي
والعنق مايقبل بالاشعار تحريف
واخدود منها واعنايه وحيفي
وانهود لاطرت لي على شوفها اهيف
والخصر من دقه وربي يهيفي
والثوب يلعب به على خصره الهيف
من وين منظر فيه شغل نظيفي
زينٍ طبيعي مادخل فيه تزيف
من كثر حبي فيه راح الانصيفي
يارب دبر ني له بحسن تصريف
مالك حبيبي ف الحلايا وصيفي
وبنظم شعري ماتبي زود تعريف
تعال سولف لي غلا يا الوليفي
ياماحلا معك السهر والسواليف
من خف دمك بالسوالف خفيفي
ومن ثقل وزنك تفرق عن المخافيف
وان كان بتقيض معي في مصيفي
باينت لك بالوسم روس المشاريف
وربعت لك بالشوق فصل الخريفي
وأخضرت لك بالمربعانيه الريف
انته وليف القلب وانته حليفي
أرفق على قلب المعنا بتخفيف
وأرقد على شاط الغرام برصيفي
وانا بشاطيك أسهر بدون ترصيف
وان غبت حالي من غلاتك كسيفي
بعدك يمشن العذار مضاليف
خليتني من حبك أعما كفيفي
ترميبي امواج الغلا بك مجاديف
وانا صليب الراس قبلك صليفي
من روس قوم بالشجاعه مصاليف
وحشيت لاشذاب بغلاتك صريفي
وكتفت لاقدامي بالاشواق تكتيف
مقوى عليك اسل رمحي وسيفي
مغير اسايف عن محبتك تسييف
وسلامتكم
تعليق