ياكثر مارافقت خلان واحباب ,........!!

[عـزوبـي السـالميـة]

السلام عليكم ورحمة الله وبركاته

من اجمل القصايد لــ: حامد زيد

واللي نالت اعجابي هذي القصيدة ^_^


اتمنى تعجبكم

يا كثر مـا رافقـت خـلان و احبـاب
و يا كثر مـا فـي شدتـي هملـونـي

على كثر ما أعدهـم ستـر و حجـاب
على كثر مـا احتجتهـم و اتـركونـي

من صارت الخوه ثمـن حفنـة تـراب
نفس الوجيه اللـي نصونـي نسونـي

من غير ذكر عروق وفروق و أنساب
كانــــوا ثلاثـة و الثـلاثـة جفـــــونـي

علمتهم و شلـون الأهـداف تنصـاب
و لمـا سواعدهـم قـوت صـــوبونـي

عشاني أصغرهم عمر صاروا أحـزاب
عشانـي اصدقهـم قصيـد اظلمــــونـي

اللي نجاح اسمـي زرع فيهـم أنيـاب
حتى النصيحة مـا بغـوا ينصحونـي

دام العطايـا عندهـم ديـن و أتعـاب
والله لو أطلـب ذنبهـم مـا عطونـي

طالب نصيحـة كنـي طالـب أرقـاب
وهي نصيحة؟! كيف لـو زوجونـي؟

كنت أكتب لنفسي مشاريـه و عتـاب
و لا ادري إن اللـي قرونـي قرونــي

تضاربت من دونـي عقـول و ألبـاب
واجد بغـوا غيـري و واجـد بغونـي

أقفل هدب تسهر على شعـري أهـداب
كني حبسـت إرقادهـم فـي جفــــونـي

لو شفتهم واحـد يشوفونـي اسـراب
مـن ويـن مالـدوا نظــــرهـم لقونـي

أثري و جودي بينهم محرق أعصـاب
ومزعل بعضهم من بعض لو طروني

يا كبري بعينـي و أنـا تونـي شـاب
و اهـــم كتـاب الشـعـر حاربـــونـي

حتى و لو يهوي على نجمـي شهـاب
يكفينـي إن إسمـــي كبيــر بعيـــونـي

قد قال ابوي :ان هبتهم قول :ما هـاب
لـو يقــدرونـك قـول : مـا تقـــدرونـي

ما دام قبـري محتضـن راس مرقـاب
علـى كثـر مـــا تقـــدرون ادفنــونـي

لو ماني بذيب إنهشت عظمـي ذيـاب
لو ما عرفت اثبـت وجـودي لغـونـي

لو ما سكنت وجيههـم مــت بغيـاب
لو ما قدرت أمحـي ورقهـم محونـي

أصبحت الأصعب لأنهم كانوا اصعـاب
جننـتـهـم مـثـل مـــــا جننــــــــــونـي

ما جيت أبدبل كبدهم شعـر و خطـاب
ليـن أدبلـوا كبـد الـذي خلفــــــــونـي

يا ويــل وجهـي كـــن للدمـع مخـلاب
ما جف ماه و لا استحى مـن طعونـي

كل ما طرالـي منظرمريـب و أرتـاب
كان الوحيـد اللـي يحـرك شجــونـي

قبلة صلاة و ذكر و خشـوع و كتـاب
وأمـي علـى سجـادة النــــــور دونـي

تدعي لي الله يفتـح بوجهـي أبـواب
تتوسلـه بالشــــــده يـكـون عـونـي

من كثـر مـا خفاقهـا بالدعـــاء ذاب
صارت تحـس إن زمـلاي اكرهونـي

بشرتها:يمه معـي ربـع و أصحـاب
مانـي لحالـي واجــــد اللـي يبونـي

من يوم ما حاز قلمـي كـل الالقـاب
قلطتهـم فـي دفتـري و احفظـونـي

الله وهبنيهـم بنـي عــــــم و أجـنـاب
من يوم جيت اعجبتهـم و اعجبونـي

و اعجابهم فيني ما هو بأيـه اعجـاب
باسلوبـي بشرحـي بطرحـي بلـــونـي

لو قلت عن نفسي( بشر) صرت كـذاب
لو قلت دمـــــــي من ذهـب) صدقونـي

لو بكيفهم كان ازرعوا دربي أعشـاب
لـو بيــدهـم يتشبهــــــون اشبهـونـي

من كثر ما صاروا من طبوعي اقـراب
حتـى بلبسـة شمغـهـــم قلـــــــــدونـي

واجد دعوني و اغلقوا دونـي البـاب
واكثار ناس أبكـي لهـم مـا بكــونـي

لو طالوا لهدمـي مناسيـب و أطنـاب
كان و غلاتك مـن زمـان اهدمــونـي

ما دام حطوا فينـي عيـوب و سبـاب
جنبـت عنهـم مثـل مــــا جنبــــونـي

أصلا لـو أن بخوتـي شـي ينعـاب
ذبحـت نفسـي قبـل لا يذبحـونـي

أنا يدي لو مـا كسـت متنـي ثيـاب
نذر ٍ على لقطـع يـدي مـن متونـي

مو عيب أجي مدعو و لا أشوف ترحاب
العيب لـــو إنـي رجعـت إن دعـــــــونـي

ما دمت اجي و لا يحسبون لى حسـاب
حرمـت اروح اذا يبـــونـي يجــــــونـي




تقبلو تحياتي

[عاشق الحزين]

رد: ياكثر مارافقت خلان واحباب ,........!!

صح لسانك

يسلمو على الابيات

[عجميه فطفوطه]

رد: ياكثر مارافقت خلان واحباب ,........!!

صح لساااانك اخووي عزووبي

هههههه اليووم فصلت وكله من سبه موضوعي هههههههه

[عـزوبـي السـالميـة]

رد: ياكثر مارافقت خلان واحباب ,........!!

صح لسانك

يسلمو على الابيات

صح بدنك


والله يسلمك من عذابه

شاكر لك على المرور

[عـزوبـي السـالميـة]

رد: ياكثر مارافقت خلان واحباب ,........!!

صح لساااانك اخووي عزووبي

هههههه اليووم فصلت وكله من سبه موضوعي هههههههه

صح بدنج فدوة ^__^


شفته الموضوع اممممم

محاولة حلو ماعليه خخخ

شاكر لج على المرور