لاتعتذر مال الهجر منك تبرير ..

[عـزوبـي السـالميـة]

سلام
___________

لاتعتذر مال الهجر منك تبرير
صدك بليا ذنب والله ظليمه


ماصارلي بعدك يفوق اي تصوير
تجددت كل الجروح القديمه


بعدك لعبي هاجسي والتفاكير
وقلبـ(ن)جريح وروح صبـ(ن)مهيمه


ماغير اسلي خاطري بالمشاوير
اروح وارجع والهواجس مقيمه


ياحبي اللي بين بيض الغنادير
لك في عروش القلب قدر وقيمه


ان كان صدك ماخذك عني لغير
روّح ولو ان الخساير وخيمه


وان كانها عني خذتك المقادير
فالعفو عند المقدره فيه شيمه


يامرحبا والحب كله معاذير
تشفع لك ايام الغرام القديمه


يوم الهوى لازارني منك إعصير
أضم في صدري من اجلك نسيمه


واليوم اصبر خاطر الوجد تصبير
واقول صدك عقب وصلك جريمه


ولاجاك مني ياهوى البال تقصير
مواقفي وياك والله عظيمه


صخرت لك مشاعر الشوق تصخير
وامطرتك بحبن تقفاه ديمه


وظللتك بجفني وصارت مسافير
يوم الغلا بين النديم ونديمه


واليوم ماتنفع كثير المحاذير
تفاغمت بين النفوس الحشيمه


عسى سنينك روض عشب ونواوير
محد لنفسه يرتضي بالهزيمه


اما تخاويني على الشر والخير
والا السلامه منك راس الغنيمه


______

تحياتي

[bad cat]

رد: لاتعتذر مال الهجر منك تبرير ..

حجزت الفيرست كلاس للرد وشكرا عالقصيده

عادة الواحد يلفت نظره بيت اكثر من ثاني يمدحه ولكن انا بقلب الموضوع وبختار بيت


اثر فيني وماحبيت القصيده بسببه ولو مسبوكه وكل شي لان عكس شخصيتي بعض الامور ماسامح فيها ..فيلم هندي البطله معقده هههههه

[glow=ffff99]يامرحبا والحب كله معاذير
تشفع لك ايام الغرام القديمه [/glow]

[glow=cccccc] مشكور وايد عالقصيده وبنتظار مزيدك عزوبي السالميه[/glow]

[عـزوبـي السـالميـة]

رد: لاتعتذر مال الهجر منك تبرير ..

ولكم ..:)