إلى روح الحبيب

[شمعه أمل]

undefined...
الى حبيبي
الذي رحل إلى الأبد

unهذه الكلمات الى من احبه قلبي... الى من احيا العشق في نفسي

رحل على الأقل من حياتي .... ومات في قلبي

إلى روح الحبيب

في كل يوم بعدما ترحل الشمس خلف التلال
أراك تحدق من وراء السحاب
أراك تبتسم من هناك
و لكني لا أستطيع الكف عن البكاء
أ تذكر تبادلنا الضحكات...البسمات... الآهات ... وتساقط الدمعات؟
إني افتقد همساتك التي كانت تشعل الدفء في قلبي
كلماتك التي كانت تبعد الأسى عن نفسي
و تمسح الدمع من عيني
أين أنت الآن؟
اعلم انك هناك فوق الغيوم
تعلم أن هناك من يحبك
من يشتاق إليك
من تحطم فؤاده من البعد عنك
أنظر إلى السماء فأرى زرقتها
فاذكر وجنتيك كيف كسيت حمرتها صبغة السماء
كنت هناك ممددا ... باردا ... مغمض العينين
ساكنا ... ملفوفا بالبياض ... كطفل في مهده ولكن بلا حراك
حبيبي عد إلي !
اعلم أنك لن تعود
ولكن أرجوك من الموت عد !
إن أنت بالرجوع لا تريد
فاعلم أني سأسرع إليك
بالمجيء
!!

أهداء من أختك الغاليه : شمعه أمل

definedundefined

[عنوسه ^_~ ماتهاب]

اسف علي نقل الموضوع بس هذا مكانه المناسب

ويعطيج العافيه علي هالكلمات الحلوه

[جرح الزمن]

[SIZE=4][SIZE=4]السلام عليكم الصراحة الكلام روعة والله اتذكر يوم كنت اكتبها كنت عايشتها وكل كلمة كانت طالعة من قلبي ... تصدقين انا دزيتها حق قروب من قروبات ياهو و ماكنت حاطة في بالي ان ممكن احد ينسبها لنفسة و لزيادة التاكيد كنت دازتها حق قروب حمادين Hamaden هذا معناه انه عجبج وايد و انا ما امنعج انج تهدينها او تاخذينها بالعكس انا وايد مستانسة و لكن في شي اسمه حقوق ادبية ... يعني شي يجرح لمن انت تعبر و يطلع الشي من قلبك وناس ثانيين ياخذونة بدون ادنى حق او اذن ..... الصراحة شي يجرح لمن وحدة من صديقاتي عطتني السايت هذا و قالتلي هذي مو الخاطرة مالتج انا انصدمت ....... اقل شي اقل شي بس لو ذكرتي انج قريتيها بمكان و حبيتي تهدينها ...و اسفة اذا كنت قاسية شوي ... بس هذا حق و محد يزعل منه ...
عزيزة و غالية ...........


اختج جرح الزمن

[الحنون - 9]

السلام عليكم

ألف ألف شكر علي هذة القصيدة الجميلة

وإذا سمحتلي أن أرد عليك ببعض الأبيات الشعرية

قد قتلتني بكل همسة حب بيديك

فمات كل شئ في صدري

فواحسرتاه على حب قد ضاع

فلم يبقى إلا الأحقاد والقهر ...؟

وسلامتك




تقبل تحياتي أخوك ( الحنون - 9 )...

[supergirl]

السلام عليكم ...
بس حبيت أعلق عالموضوع شوي إذا سمحتولي ...
بالنسبه للكلام اللي كاتبته جرح الزمن ... آنا أأيدها .. لأني شفت الشعر بقروب حمادين باسم رهش ... والصراحه الشعر وايد وايد وايد عجبني .. ماشالله عليج ياجرح الزمن خووووش شعر وصح لسانج ... ويبين عليج وايد موهوبه ... وآنا انحطيت بهالموقف من قبل .. بس شعري اندز بقروب .. وآنا حاسه بالقهر اللي فيج يا جرح الزمن .. والصراحه الموقف حييييييييل مو حلو ... ومو حلوه يا شمعه أمل أنج تاخذين شغله مو لج .. وتنسبينها حق عمرج .. لااااا وفوق هذا إهداء بعد ... يعني على الأقل تحطين تحتها منقووول ..
واسمحيلي يا شمعه أمل عالكلام اللي كتبته ... بس احنا بمساحه حواريه .. وكل واحد من حقه ان يعبر عن رايه ...
وجرح الزمن .. أتمنالج التوفيق بأشعارج ... وخلينا نشوفها على طووووووول ...
وما أحب أطول عليكم أكثر من جذي ..
وأشوفكم على خير ..

[B WiTh Me]

بسم الله الرحمن الرحيم
اول شي احب اعبر عن اعجابي بهذي الخاطرة الجميلة اللي شدت انتباهي من اول ما قريتها من شهر تقريبا
انا وصلتني عن طريق احد الصديقات و كانت منتشرة بشكل واسع من احد القروبات كما قالو الاخوات سوبر و جرح الزمن ..انا اقول يا اخت جرح ما عليه بعد شتسوين في زمن قام محد يحترم فيهالحرية الادبية والفكرية
عالعموم انا اتمنى من كل انسان يقرا الرد ان يتعلم منه شنو معنى منقووووووووول
و اتمنى انج تكملين طريجج يا جرح الزمن و تمتعينا اكثر و اكثر ...

[Math^girl]

السلام وعليكم ورحمة الله وبركاته
أحب أعلق على هالموضوع الي الصراحة حيل تفاجأت فيه لمن لقيته منقول وناسبينه ناس حق نفسهم .. الي اهوا اساسا حق جرح الزمن .. والاخت شمعة امل ماقصرت وادعت ان اهيا الي كاتبته ماشالله عليها بس .. وانا اساسا واصلني من قروب اسمه حمادين والي الكاتب باسم رهش مثل ماتفضلت الاخت Supergirl ويعني المفروض او الواجب عليج يا اخت شمعة امل انج تكتبين منقووول بدال ما تنسبينه لنفسج ..
على العموم يا جرح الزمن ولا يهمج ولا تزعلين المهم ان احنه عرفنه ان الي مكتوب اهيا قصيدتج وانتي الي كاتبتها مو الاخت الكاتبه شمعة امل .. والله يوفقج عمري جرح الزمن وانشوف كتابات أروع منج ..
والسلام ختام

[BoOoDYoOo]

اول شي السلام عليكم جميعا
ثانيا بغيت اقولج معلوومه يا بنت الناس المفروظ اتعلمين انه ما اتبوقين اشكبرج انتي الي قاعده اتبوقين ابقصايد الناس؟
على ما اعتقد حته نكج بايقته اتسوينها بس حبيت اقولج ديري بالج مره ثانيه اتبوقين واتمدي ايدج على شي ما يخص تره والله تلقين جهازج ما يشتغل اوكي ؟
على فكره ترى عيييييييب واذا ما اتعرفين العيب انا مستعد اعلمج ايااه افا عليج واذا ابوج واهلج عيزانين تعالي البيت وانا اعلمج العيب اشلون صاير واخلاقه بعد افا عليج ما طلتي شي لمه الحين
وديري بالج مره ثانيه اتعيدين الحركه الي سويتيها مفهوووووم وكان المفروظ انج تستاذنين من جرح الزمن واتقوليها مو من وراها تاخذينها وتنحاشين تره عيب والاحسن انج تتاسفيلها واتقوليلها مشكوره على تعبج معانا وعلى الكلام الي كاتبته وانتي على بلج انه الكلام هذا ايي ابسهوووله ؟ تره تعب وصعب على القلب انه تكتبه والابنيه مسكيينه تعباانه على كتابته وقلبها عورها وانتي اتييين وتاخذينها برده امبرده صح ؟
بس اقولج اياها يوييلج اذا بقتي اشعاار مره ثانيه وتنشرينها مفهوووم
وعلى فكره تره النت اخترعووه حق التعارف والونااسه ممووو البوووف والنهب الادبي اوكي؟
وعيب علييج اذا كنت فاهمه
واسف يا جمعاه اذا عديت حدود
باي
اخوكم بووديوو

[شمعه أمل]

أنا أسفه وايد

أبصراحه أنا مستحيه من نفسى وايد على إلى صار بس صدقونى ماكان قصدى إنى أخذ شئ مو لى وأنا أسفه وايد لكم وللأخت جرح الزمن وأنا بعد أعجبتنى هذى الكلمات إلى أكثر من رائعه وأنا أهديته لأخوى المرحوم وأنا أسفه مره ثانيه أختكم شمعه أمل

[جرح الزمن]

السلام عليكم :
عالعموم تسلمين يالغالية و اسفة ااذا ذكرتج باشياء تعور القلب :)

و ماعليه عزيييييييييزة و غالية