أنصاف الحلول ....

[سهم الغدر]

ماتعود قلبي أنصاف الحلول"...." ولا طلبت الرأي من فم العذول
وماتركت ابواب قلبي مشرعات "...." لجل سهم ألحب في قلبي يجول
كنت أشوف الحب من قبلك سراب "...."مايبل الريق لحظاته تزول
كنت أشوف الحب من قبلك هموم "...." مالها ابقلبي محل ولا قبول
كنت أشوف الحب من قبلك نهايه "...." تختتم فيها محطات الوصول
كنت أشوف الحب من قبلك عذاب "...."يستبيح القلب وأحزانه تطول
كنت أشوف الحب ياعمري جفاف"...." يستحيل اتعيش بوجوده حقول
واقبلت غيمة حنانك من بعيد "...." وابتدت أمطار حبك بالهطول
وإنتشت معها سنابل من فرح "...." وانتفض عن داخلي لون الذبول
اعذريني لو عشقتك يا هنوف "...." وامنحيني الحب يالوجه الخجول
لا سمعتك صارت الدنيا ورود "...." وانشرح قلبي بعد ماهو جفول
ولا بعد صوتك عن احساسي بكيت "...." أفتقد طيفك وياخذني ذهول
تدري ان الحب عنوانه غلاك "...."وتدري ان الشوق لا شافك عجول
وتدري ان العاطفه عندك دفا "...." وان حبك فصل خامس في الفصول
ايه أحبك ولو طرح قلبك سؤال؟"...." في خفوقي له ملايين الحلول

[جيكر حلو]

صح لسانك سهم الغدر


ومشكور عالقصيده الرائعه


تحياتي :
جيكر^حلو

[AL_MoHaNdS]

صح السانك
والف شكر على الابيات الرووووووووعه