فارقتني ياأبتاه والدمع أنهار
تسيل من قبرك وتوصل لبيتك
قل لي ياأبتاه من يحيي الدار
وكيف تسمع لو نويت وشكيتك
لو يوم أخطي كيف توصلك الاعذار
وكيف أصرخ لك بكلمة فديتك
رحلت عني آه يامرارة الاسفار
خذني معك للموت والا خذيتك
مع غيبتك ماعاد أريدأعرف اخبار
من له أببكي بعد انا مابكيتك
أرض الفرح ماعاد تنبت بالامطار
والروح لو تعطى بروحي عطيتك
ما أخذت من بنتك سوى الحزن تذكار
وهي خذت حبك وطيبك وصيتك
ماعاد تنفعني مع الليل الانوار
يانوم لاتقرب لعيني لأني نسيتك
يا أبتاه قد رحلت وعالم الموت مشوار
لولا غضب ربي على الموت جيتك
أذكر صدى آهاتك تهز الاسوار
واذكر ضلوعي تنصهر لارجيتك
واذكر سرير ابيض عليه الألم جار
دورت عن حزني يا أبتاه فيه ولقيتك
يااغلى بشر راحت به رياح الاقدار
يا رب تكون الجنه قرارك وبيتك
لقد كتبتها عندما توفي والدي رحمة الله عليه
أخوكم / غلــــطـة عــمــر
تعليق