تســــأليني ليه ااحــــبك

[عبود العبود]

تسأليني ليه احبك ..؟ واسالك نفس السؤال
..................................ليه احبك..؟ جاوبيني .. يمكن انتي تعرفين

ليه انا قلبي تعلق فيك ... يابنت الحلال
................................ليه وش معنى عشقتك دون كل هالعالمين

هل لاني شفت فيك الحسن كله والدلال
.................................. اولاني شفت فيك الثقل والطبع الرزين

اولانك في عيوني صرتي ايه بالجمال
..................................... اولانك استطعتي.... للمشاعر تملكين

او لان الحظ جابك لي بعد ماقفى وحال
................................او لان الله كتب لي اعشقك واحيا السنين

علميني ليه احبك..؟ ليه قلبي معك مال..؟
................................. ليه دمعاتي تناثر .... كل ماانتي تبعدين

ليه دايم في خيالي صورتك في كل حال
.............................. في فرحه والا بتعاسه.. في شقى والا بحنين

ليه طيفك في عيوني مايـبارح هالمجال
.............................. شاغل(m) فكري وبالي ....كل لحظه وكل حين

ليه كل ماقلت ابنسى صاحت جروحي محال
...............................كيف تنسى طب جرحك .. كيف ايامك تزين

آآآآآه .. ياكم سؤال(ن) حاير(m) وسط الخيال
.................................. وآآآآه .. ياوين الجواب اللي يريحني سنين

اسأل اسوار المدينه عنك وانقاض الجبال
................................... اسأل رمال الصحاري واسأل الليل الحزين

واسأل دموعي الغريقه ليه دمعي منك سال
................................... ليه قلبي فيك هايم .. وش هو السر الثمين

ليه .. مادري ..بس عشقتك .. عشق لحد الهبال
................................. وصرت ماشوف بعيوني .. غير زينك اي زين

و تساليني ... ليه احبك وليه ميت على الوصال
................................ ليه مدري..... صدقيني ... نفسي ماعندي يقين

ودي اعرف ياعيوني وش اجابة هالسوال
................................ ليه احبك...؟ جاوبيني... يمكن انتي تعرفين
__________________________________

[جيكر حلو]

صح لسانك عبود
وللامام :)

تحياتي :
جيكر^حلو

[alamoOora]

يسلمووووووووو عبود ويعطيك الف الف الف عافيه ياعسل