~*(صـدق المحــبه)*~

[رديـت_لعيونـك]

صدق المحبه .....

تعالي يادلع روحي تعالي ياهوى المغرور
أنا المغرور يوم انه بلاني حب مغروره
تعالي واحظني قلب رحل يمك بدون شعور
وانا ادري قلبك القاسي فخور بقسوه شعوره
حبايب والوفا فيناتعثر مابقاله دور
تلاشىواندفن صدق المحبه وانتهى دوره
أنايابنت حبي ثابت كنه جبال الطور
ما هو حب الدلع لا من طلع من قلب مطيوره
صحيح اني نصيتك والامل في قلبي المقهور
نصيت الحب من قلب حزين جفت جذوره
حسبت الحب ينسيني وجدد جرحي المهجور
وزدت الطين بله وانطفى حبي مع نوره
وأنا ادري حظي العاثر تعثر والزمن به جور
على من فتحت عينه على الاحزان مبهوره
حرمني هالزمن ضحكه معاها فرحه وسرور
وهبني هالزمن شعر ينسيني عن دهوره
بعاتب هالزمن مادام قلبي من الزمن مكسور
وحلفت اطلع عيوب الزمن والنفس مقهوره
زمن خلى ضعيف النفس رجال وبعد له شور
حسايف يا زمن تسمع ضعيف النفس مع شوره
زمن صارت رجاجيله مظاهر كنها الديكور
وعجزت اميزارجال مظاهر كنها الصوره
زمن صارت نساوينه مناظر ما بهن مستور
عساالله يعز صالحهن وعساها دوم مستوره
زمن بالظلم متفاخرواظنه بالخطا مسرور
وبعض هالناس مستانس عساها تطيح في شروره
وبعض هالناس راضي ولاهو راضي ساكت مبهور
وبعضها ذاقت امراره وتلعن منه مكسوره
اخص أهل الردى ماني نبي بالملا مجبور
مادام ابليس متغطرس في وقت زادجمهوره
عساها هالناس تسمعني وتجعل كلمتي دستور
ترى دين الله الواحدمع الأخلاق مبروره
صغيرثابت عقلي ولاني خفيف ولامطيور
رزين تربية شايب حلفت أمشي على شوره
قصيدي كانك اللماس ودررفي البحر منثور
قصيدي لاتفشلني أبيك تصير لي اسطوره

=================================


وسلامتكم :)


مع التحيه :رديت لعيونك

[عنوسه ^_~ ماتهاب]

هلا ومرحبااا
يسلم لي والله هل رقه والأحسااس والمشاعر الرأقيه
اسمح لي من اعماق قلبي اشكرك علي هالقصيده الرأأئعه
ولك من اجمل تحيااااتي واشوااااقي
صح لسانك
:)

[رديـت_لعيونـك]

صح بدنج :)

يه يه عنوس شالكلام الحلو هذ1 ترى ما اقدر استحمل :)

الف شكر لج على مرورج الراائع وطلتج اللي نورت صفحتي :)

[حلم الخيال]

صح لسانك قلب

زيد من هالابداع :)

[رديـت_لعيونـك]

صح بدنك حبيبي ،، :)

وحيااك الله ،، :)

[+زووووم+]

صح لسانك ___ يعطيك ألف عااافية

[مشعل كووول]

صــــــــــــــح لــــــســــــانــــــــك