تويت
يابحر بسألك ليش امواجك الليله تعاني…
انت مثلي يابحر قبل امس فاقد لك حبيبه…
انت متضايق عشانك والا متضايق عشاني…
اسألك بالله يابحر قلي ويش المصيبه…
والا اقول اسكت وانا احكي عن اللي لك خذاني…
ببتدي معك الكلام وكل ماعندي بجيبه…
تذكر اللي لالفتني بشّر القلب المحاني…
تذكر اللي كلها حب وغرام ونهر طيبه…
تذكر اللي صوتها تشتاق له حتى المواني…
كل ميناء يسأل الثاني اذا طول مغيبه…
تذكر اللي في كفوفي تشعل الدنيا اماني…
تذكر اللي نورها سود الليالي تقتدي به…
تذكر اللي سلهمتها تقلب الساعه ثواني…
تذكر اللي عطرها حتى طيورك تحتفي به…
تذكر اللي علمتني كيف اروض هالمعاني…
كل مامرت عليه رحت للشعر انتخي به…
تذكر اللي كل صبح تمرني بأحلى تهاني…
صار كل العمر عيد وصارت اقرب من قريبه…
قبل يومين تركتني وارحلت مع شخص ثاني…
شخص ماكانت تحبه بس مدري وش تبي به…
ادري اني من سببها كاسرن خاطر زماني…
وادري اني اول انسان كسر خاطر نصيبه…
وادري ان الله خذا مني مثل ماهو عطاني…
وادري ان الغاليه راحت رضا ماهو غصيبه…
بس اقول الله كريم وعمر كل انسان فاني…
والمكان اللي خلا من زولها وش ينبغي به…
مدخلك بالله قلي..حط نفسك في مكاني…
وش تسوي يابحر لاصرت فاقد لك حبيبه…؟؟!!
[/align]
[/align]
تعليق