الله خلق من الشبه اربعين

[مجـــــاريح]

بارك الله سآعةٍ فيهآ عبرتي
أحيت القلب المولع والحزين
يوم شفتيني وشفتك وإبتسمتي
رجعتني للذآكره عشرة سنين!
يوم كنا أحباب في قلبي سكنتي
صغآر كنا نلتقي في كل حين
هذي إنتي والله ما كنّك كبرتي
يعلم الله جامعه من كل زين
بس تعالي منهي هذي لوسمحتي؟!
منهي هذي اللي وآقفه يمك يمين؟
قاطعتني هذي نـوره هذي بنتي!
ليتها تدري عن الحظ اللعين
قلت حلوه بس ماهي مثلك إنتي!
حتى لو يخلق من الشبه أربعين!
علميها قبل أبوها من عشقتي!
خبريها عن سواة الحاسدين!
وفهميها وشلون عن قلبي رحلتي!
يوم كنّا بالهوى متعاهدين
وعلميها وشلون من إيدي شربتي!
ليلة مهديك فيها وردتين
قاطعتني هذا بعدك! قلت خفتي ؟!
وإذبحتني يوم قالت كلمتين
صرت شايب .. قلت هذآ إنتي وشفتي
داعبتني فوق زلفك شيبتين!
وضحكت لي قلت حتى من ضحكتي
رجعتّني للذاكره عشر سنين

[عنوسه ^_~ ماتهاب]

صح لسانك اخوي مجاريح ولا هنت

بس حبيت اسال سؤال القصيده هذا انت كاتبها
واذا مو انت كاتب ممكن تعرف الي كاتبها يا ريت
قول لي اسمه
وشكرأأأ

[جيكر حلو]

صح لسانك مجاريح

وما تقصر عالقصيده الحلوه

..
تحياتي :
جيكر حلو

[مجـــــاريح]

هذه القصيدة لشاعر ( خالد الحيان) في اومر ثانيه

[ميلاني]

حلوووووووووووووه واااااااايد

ميلاني