معاناه الشايب

[مجـــــاريح]

اخواني ..لقد اخترت لكم قصيده تحكي معاناة شـــــــــايب ..واتمنى تكون


القصيده ذات مغزى وعبره.





صدمني واقع ايامي وجيت انظم انا جيلي
*** عجايب يا زمان اليوم وعجيب الوقت بافعاله



تحير خاطري والله وزادت بي غرابيــــلي
*** نشوف الصد والعصيان بكل انواعه واشكاله


لقيت الشايب بداره بهم ولوعه يشكي لي
*** يسولف لي عن ايامه ويحكي لي عن احواله


يقول اليوم انا مالي سوى دمعي ومنديلي
*** اصبر نفسي واترقب من المعبود آجالـــــــــــه


تخلى عني وليدي يا ويلي آه يا ويلــــــــي
*** وصار اليوم يجفيني ويقطع عني وصالــــــــه


رماني وما نشد عني وأنا ذكراه تطري لي
*** ذكره دايم فبالي وانا ماجيت في بالــــــــــــــــه


يا بنتي وين راح الود..وين اللي ينادي لي
*** وين احبابي وربعي .. وين الغالي وعيالـــــــه



بعدها ما قدر يكمل كلامه وقام يبكــــي لي
*** وأنا من داخلي اموت ألف مره على حالـــــــه


وهذي قصة الشايب معايه يوم يحكي لي
*** ويترجم لي معاناته مع هالوقت واهوالــــــــــه


وسلامتكم...اتمنى الموضوع كان ذا فائده وتكون قصه معبره

واتمنى نالت على استحسان الجميع
__________________

[جيكر حلو]

:) صح لسانك اخوي مجاريح عالقصيده الحلوه

وما تقصر ولا هنت :)
تحياتي :
جيكر حلو

[الخرينج]

صح لسانك يا الغالي ولا هنت

[مجـــــاريح]

مشكورين على المرور والتواصل

[السهلي]

صح لسانك يالغالي
...........
يسلــــــــ ـــ ــ ــ ــ ــ ــ ــ ــمــــــــــــــــــو (( مجاريح ))