$فمـان الله يآخـر محطـة فرحلـة الـربـان $

[عنوسه ^_~ ماتهاب]

مساء الخيرررر

هذه قصيده منقوله
بس عجبتني واتمين انها تعجبكم

فمـان الله يآخـر محطـة فرحلـة الـربـان ][ـــــــــــ][ فمـان الله يـا أول سفينـه تهجـر الميـنـا

فمان الله يا صمت المكـان بحـارة الحرمـان ][ـــــــــــ][ وتنهيـد الريـاح فشـارع صمتـه يناديـنـا

تحت ذاك الرصيف اللي شهد مولد حياة انسان ][ـــــــــــ][ وشهد أصدق علاقة طاهـره تسكـن خوافينـا

زرعت فروحي جروح الخريف بغابة الأحزان ][ـــــــــــ][ متى روح الجروح أرواحه الجرحى تداوينـا

قبل ما تحمل شناط السفر وتـودع الضيفـان ][ـــــــــــ][ تذكر ضيف في حـارة عتيقـه ساكنـه فينـا

دخليك غادر بصمت المكان إرحل بلا استئذان ][ـــــــــــ][ ولكن قبل مـا ترحـل أبـي نشبـك أيادينـا

وأدفن راسي ف صدرك ودمعي كالمطر هتان ][ـــــــــــ][ وأحظـن كفـك بكفـي وأهمـس لا تخلينـا

ترى إبراهيم من بعدك رسالة مالهـا عنـوان ][ـــــــــــ][ رسالة في زجاجه تعوم من مينـا إلـى مينـا

شبابيك المدينه صامته والشـارع اللـي كـان ][ـــــــــــ][ يمـوج بزحمتـه صامـت يذكرنـا بماضينـا

بعد ما ترحل وأبقى وحيـد فغرفتـي ندمـان ][ـــــــــــ][ على ذاك المسا اللي كان مـن أروع أماسينـا

وحيد جالس ف كرسي يتيـم بآخـر الميـدان ][ـــــــــــ][ وأنا أعزف على عود الحزن دمعـة مآسينـا

وش اللي بتستفيده من رحيلك تـارك حيـران ][ـــــــــــ][ يسافر في خيالاته مـن جميـرا لبحـر سينـا

فمان الله يا صمت المكـان بحـارة الحرمـان ][ـــــــــــ][ وتنهيـد الريـاح فشـارع خـالـي يناديـنـا

فمـان الله يآخـر محطـة فرحلـة الـربـان ][ـــــــــــ][ فمـان الله يـا أول سفينـه تهجـر الميـنـا





وسلامتكمــ

[أم خااالد]

تسلمين اختي على القصيده صج روعه
وصح لسانج

[عنوسه ^_~ ماتهاب]

صح بدنج

لا هنتي علي مروروج العطر :)

[جيكر حلو]

تسلم ايدج يا عنوسه عالقصيده الحلوه

وما تقصرين

وانشالله لمزيدج :)


تحياتي :
جيكر حلو

[عنوسه ^_~ ماتهاب]

الله يسلمك يا جيكر (سحت )
:)

[خسـ~إ^ـرتيني]

يسلمؤؤؤ على القصيده
ويعجبني فيج حرصج علىى نقل القصائد إلي لابد تنال اعجابنا
وشكرا ٌ

[عنوسه ^_~ ماتهاب]

العفووو شاكره لك مرورك

[عمشه بولند]

تسم يمناج وصح لسانج

[عنوسه ^_~ ماتهاب]

صح بدنج ولا هنتي

[alwalah]

صح لسانج والمنقوووول دليل على ذوووووق صاحبه وانتي الذووووق كله ياعنوووووووووووووسه

ويعطيج ألف عافيه حبيبتي



تحياااااااااتي : noor alwalah

[عنوسه ^_~ ماتهاب]

الله يعافيج والله حبيبتي
alwalah

فشلتيني :$

[bad cat]

رد: $فمـان الله يآخـر محطـة فرحلـة الـربـان $

قصيده مؤثرة جميله

صح لسانك ولسان شاعرها شكراا لك