**(( مر الإجاابه ))**

[رديـت_لعيونـك]

.... مر الإجاابه .....


ان كتمت الجرح.. من طيبي.. ولـعيـون الأخـوّة
وان نثرته.. ما نثرتـه غيـر.. لعيـون الكتابـة


الكتابة؟..جرح,, يا جرحـي. وضعـفٍ فيـه قـوّة
والكآبة..؟ غيب فينـي,, تعـرف حـدود الكآبـة


والمشاعر. لـو ابخفيهـا, غصـب عنّـي, تفـوّه
والقصيد يدق بابـي... لـو... مـا دقيـت بابـه


غارقٍ (حضرة جنابي),, في هوى (حضرة سمـوّه)
وفي هوى (حضرة سموّي),, غارقٍ (حضرة جنابه)


والاجابـة ,,,يالسـؤال اللـي تسميهـا .مــروّة
أي مروّة,, وانت حاديني على,,,( مـرّ الإجابـة)


هو أنا اللي ,,من عذابـه يرفـق بحالـه عـدوّه؟!
والا انا اللي,, دون فرحه وقّفـوا كـل القرابـة!؟


هو انا ذاك (الصغير),, اللي بدنيـا الحـب تـوّه.؟
والا انا من(ضاع عمره) بالهوى وافنـى شبابـه؟


هو انا اللي ,,عن (سيوف البرد) قام وشب ضـوّه
مـا درى إلا ونـاره احرقـت زاهــي ثيـابـه


والا أنـا ذاك اليتيـم الجاهـل ابمعنـى الابـوّة..؟
إنجرح صوتـه. وهـو يسـأل,, ولا حـيٍ درابـه


من عذابه,, يسأل امه. كيف غاب؟ و وين هـوّه؟
يسأل امه من عذابه, هـو متـى ينهـي غيابـه؟!


كل فرح ,وكل جرح/ن/ في طرف عينـي.. تشـوّه
ضحكتي فيها. (غموض),,, ودمعتي فيها. (غرابه)


سـو فينـي يـا زمانـي كـل مـا تبغيـه سـوّه
والا انا (ماعاد تفـرق).. دامهـا الاشيـا تشابـه


والسؤال اللي من اسبابـه لقى(المجـروح جـوّه)
انتثـر همّـه حـروف وعـاد (لجنـون الكتابـة)


وارجع آقول الكتابة.. جرح( ضعف) وجرح (قـوّة)
واالكآبـة غيـب فينـي (تعبـر) حـدود الكـآبـة

..................................


مع التحيه : رديت لعيونك

[قلـ الأسـد ـب]

صح لسانج يا رديت لعيونك وبقولج يا اختي
بعض الجروح طيب في يوم وأثنين *************** وبعض الجروح أطول من العمر كله
بعض الجروح تخف مع دمعة العيـن *************** وبعضهـــا مــــع الايــــام تزداد عله
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
فاي الجروح التي تقصدينها

[عنوسه ^_~ ماتهاب]

صح لسانك ولا هنت

قصيده جزله كما عهدناك
اخوؤوؤي رديت
تقبل اعاجبي :)

[وصف الغزال]

والسؤال اللي من اسبابـه لقى(المجـروح جـوّه)
انتثـر همّـه حـروف وعـاد (لجنـون الكتابـة)

رووووووووووووعه
تسلم اخوي رديت...

chaaaaaaaaaaaaaaaaaaw

[رديـت_لعيونـك]

قلب الاسد تعبت وانا اقولك اني رجال ماني بنت الظاهر انت ماتفرق بين المذكر والجمع :)

على العموم صحت ابدانك وتسلم على المرور الكريم :)

صح بدنج وعجابج هذ1 شهاده لي :)

يسلمج رب العبااد ومشكورع على المرور وصف :)

[رديـت_لعيونـك]

المذكر والمؤنث اقصد :p

[قلـ الأسـد ـب]

سوري اخوي وزين انك نبهتي ومو من العيب انغلط لاكن العيب ان نكرر الغلط يا اخوي انا أسف لتشبيهك بالفتاة وهذي بحق لي

[alwalah]

صح لسانك اخوووووووووي رديت قصيده في منتهى الروعه

واتنمى لك التوفيق من كل قلبي والله

يعطيك العافيه


تحياااااااااااااتي : نــــــــــــورالـــــــــــــــولــــــــــه

[رديـت_لعيونـك]

قلب ماصار شي حبيب قلبي ولايهمك

[رديـت_لعيونـك]

صح بدنك اختي الولــه :)

وشاكر لج مرورج :)