دق ســلــف الــجيـــب ....... ؟؟

[صعب مثلي تعشقين]

يازقـارة يازقـارة يـا زقـارة ولعي من نـار شوقـي والحنيـن
ولعي لين الخفـوق تشـب نـاره ولعي بضلوع ذا الصـدر الغبيـن
احرقي جروح(ن) بتفقع لي مرارة احرقي صفحات همـي والانيـن
خوفي انك لو ترا تقبـس شـرارة ينفجر لغم(ن) بصدري له سنيـن
ثم يصير اليـوم يامطـول نهـاره يانهار اللـي تنـى ...والمقبليـن
صابهم سلـب وتـوزوا بالمغـارة ليلهـم قافـي ولكـن جايعـيـن
شقو القربه.. وباقي فـي غبـاره العـدو ...والـزاد زاد السالبيـن
والهواجس غارة(ن) من عقب غارة تقتل و فكري جيوشـه خاضعيـن
ترفع الضغط.. وتزود بالحـرارة مانفع بصداع راسـي" اسبريـن
راشد المنعـور بلـغ ذا السفـارة قلهـم قلبـه مـن الفرقـا حزيـن
قلهم شفـه تـرا "دبـي" ومطـاره فيزة(ن) له تنتهـي المـدة بحيـن
ناوي(ن) بالعرس لو فاته قطـاره عازب(ن) ماله على بقعا ضنيـن
دق سلف الجيب يـاراع السيـارة لين ما صوت الكفر يشكي الونيـن
سوقها يم الحبيـب اللـي ديـاره يم نجـد اللـي اهلهـا مكرميـن
مكرمين الضيف ما كمـل عبـارة قبـل يوصـل للكرامـه ذابحيـن
الغـلا بانـي لـه بقلبـي منـارة منور(ن) من نورها نور(ن) بعين
من غلاها عايف(ن) نوره وسـارة شفـي اللـي بالحنايـا ساكنـيـن
خالد(ن) با اول لقا واخـر زيـارة قلب ذيب.. وعقله العقل الرزيـن
طير حر(ن) يفهمك لـو بالاشـارة كم نظير(ن) يشبعـه وكـم يميـن

وســلامـــتكـــم .................................................. ........ الشــــــرافــي.


اخوكم : صعب مثلي تعشقيــن .

[عنوسه ^_~ ماتهاب]

خالد(ن) با اول لقا واخـر زيـارة قلب ذيب.. وعقله العقل الرزيـن
طير حر(ن) يفهمك لـو بالاشـارة كم نظير(ن) يشبعـه وكـم يميـن

صح لسااااانك ولا هنت

تقبل اعاجبي

[قلـ الأسـد ـب]

صح لسانك ولا هنت بس در بالك لا تحرقك الزقاره ولك تحياتي

[صعب مثلي تعشقين]

مشكوره اختي عنوسه على المرور الكريم وتواصلك بالردود ولا أنسى اخوي قلب الأسد يعطيك الف عافيه على مرورك والله يعطيكم الصحه والعافيه.



اخوكم : صعب مثلي تعشقيـن.

[يوم الرحيـ؟ـل]

صعب مثلي تعشقين
انت ok
الشرافي تحياتي لك وصح لسانك

[صعب مثلي تعشقين]

صح بدنك يالغالي ويعطيك الف عافيه على المرور الكريم .



اخوك : الشــرافــي