ابعد و مسموح

[تخيل الدنيا]

[c]

بسم الله الرحمن الرحيم

السلام عليكم ورحمة الله و بركاتة

اخواني و اخواتي اعضاء و مشرفين و زوار منتدى كويت 777

بكتب لكم هذي الابيات و اتمنى تعبجكم و ترى هي من كتاباتي و اقول فيها


على ضفاف الحزن قم وازرع الآه 000واجمع حصاد الهم من قلب مجروح

واطلق غزير الدمع بالخد مجراه 000 واوقد ظلـوعي نار تحرق بهـا الروح

وادفن بقايا الود ولا يوم تنعاه 000 واسلب عظيم الصبر واترك لـي النوح

خل وفى لك يوم هذي جزاياه 000 وهذا جزى من كان يبسط لك الروح

الله اكبر يوم جـالك وتلـقاه 000 بسيف الكذب واحساس بارد ومفضوح

اصدق صديق ويوم جالك تناساه000 هذي صفات انسان في داخله روح

جـالك محبة صدق والموده نوايـاه 000 يحسب فؤادك لـه ممهد ومفتوح

وثرك بحر أحزان والياس مرساه 000 وقلبك عديم احساس ومصنوع من لوح

لوكان حطك بين جرح ومعاناه 000 كانك صديقه دوم ودايم لـه تـروح

بس الكرم والجود اعظم سجاياه 000 بيودعك ويقول ابـعد ومسموح

و سلامتكم

بالختام

لكم مني اجمل سلام من قلب نابض بالسلام

اخوكم

تخيل الدنيا من غيرك

[/c]

[alwalah]

الله الله على هالكلام العذب والراقي : الله اكبر يوم جالك وتلقاه ×××× بسيف الكذب وحساس بارد ومفضوح

اصدق صديق ويوم جالك تناساه ××××× هذي صفات إنسان في داخله روح

كلمات يعجز الواحد بصراحه الرد عليها لانها ذات طابع غريب ممزووج بوهج الاخلاص في القصيده

تخيل الدنيا يتميز بأنامل فياضه بسحر الكتابه وعقل فكري واضح من المشاعر المرهفه التى تتنابك وانت تكتب القصيد

تسلم لي هاليييييد الشيخ ويعطيك العافيه وصح لسانك يالغلا على هالقصيده الوهاجه حقيقتا


تقبل كل التحيات مني لك :



نــــــــــــور الـــــــــــولــــــــــــــــــــــــــــه

[عنوسه ^_~ ماتهاب]

اصدق صديق ويوم جالك تناساه000 هذي صفات انسان في داخله روح


صح لسانك ولا هنت :)

[تخيل الدنيا]

[c]

بسم الله الرحمن الرحيم

السلام عليكم ورحمة الله و بركاتة


استاذتي نور الوله بصراحه يعجز تعبيري بالرد على تعقيبك الرائع و الجميله و يستحي منك قلمي ان لا يوافيكي حقك بالرد على كلامك الرائع

تسلمين لي يا استاذتي الفاضله و عسى ما انحرم من ردودك الجميله اللتي تقيم بيوتي و من خلال تقيمها احس بان كلماتي لها معنى و لها معجبين

صح بدنك يا بعدي و تسلم لنا يمناكي ولا خلا ولا عدم ان شاء الله

بالختام

لكم مني اجمل سلام من قلب نابض ب السلام

اخوكم

تخيل الدنيا من غيرك

[/c]

[تخيل الدنيا]

[c]




بسم الله الرحمن الرحيم

السلام عليكم ورحمة الله و بركاتة


صح بدنك يا عنوسه و تسلمين على الرد

بالختام

لكم مني اجمل سلام من قلب نابض ب السلام

اخوكم

تخيل الدنيا من غيرك


[/c]