تويت
لقيـت اللـي ابيهـا وابتهـج قلـب ٍ تمنـاهـا
ضحك من بعد غيبتها فرح فرحة مريضٍ طـاب
تلاقيـنـا وحارسـنـا غــرامٍ ذاق فرقـاهـا
كما طفل ٍ فقد امه قضـى وقتـه مـع الاجنـاب
يغرد فوقنا القمـري فـرح فـي يـوم جمعاهـا
يجر لحونـه العذبـه مواويـل وتـرد اسـراب
يرد الخـوخ والرمـان يـرد التيـن مااحلاهـا
تـرد زهـور وورود وبساتيـن ٍ بهـا اعنـاب
غشتنا غيمة الاحساس روينا من طـرف ماهـا
تبل عروقنا العطشى وتنبـت بالحشـا اعشـاب
مطرها صافي هتـان نـزل للـروح واحياهـا
بعد ماكانت ارض ٍ مابها غير الصخـر وتـراب
مشاعرنا غدت جمره سكوت الشـوق يصلاهـا
جزاء للي صبر وعن الهوى في دنيتـه ماتـاب
توشحها خجـل بنـت ٍ شرفهـا سـاس مبداهـا
شرفها من شرف ناس ٍ حموها ثم غـدوا شيـاب
غنجهـا فتنـةٍ كبـرى يهـز الكـون ممشاهـا
تعـدى حسنهـا الفتنـه زمنـا مثلهـا ماجـاب
طويلة قـد ورمـوش وثميـن اللبـس يزهاهـا
حلاها غير كل النـاس صفاهـا فاتـن ٍ جـذاب
جلسنـا والكـلام عيـون بهـا صمـت تقواهـا
تناظرني واناظرهـا بـلا بعـد وبليـا حجـاب
سواليفي بهـا اللهفـه عجـزت اقـول واقواهـا
اخـاف اتلعثـم بكلمـه تشـك بحبـي الغـلاب
سكتنا والسكوت اجبر عواطفنـا علـى اقصاهـا
بديت اجمع كلام ٍ قد كتبتـه مـن دهـر بكتـاب
كتبـت انـي لهـا والله انـا والشعـر نفـداهـا
ابيع الناس واشريها شجـاع ٍ لأ جلهـا مااهـاب
اجيها لو تبـي فزعـه اذا تنخـى انـا انصاهـا
اهين اللي يكدرها اهيـن النـاس اهيـن اشنـاب
بديت اتكلـم حـروفٍ لسانـي ينطـق اصفاهـا
تناظرني يسابقنـي كـلام ٍ ماخطـر لااحبـاب
وفجأه...؟؟؟ قربت تنوي تقـول اللـي تخفاهـا
تبيني بالكلام اذوب وانا اللـي فـي هواهـا ذاب
وفجأه..؟؟ انتظر تنطق...ويرجف قلب ٍ اغلاهـا
وفجأه....؟؟؟ كنّها موتي.... يجيني من يدق الباب
عرفت انه مجـرد حلـم يجينـي بـس رؤياهـا
عجزت اصدق اللي صار وهلت ( دمعتين عتاب )
عتب... للوقت وصروفه وحالي كيـف سواهـا
وعتب..... للحلم يلفيني.... وانا كلي حزن ماغاب :p
[/align][/align]
تعليق