حديث الغيم .... فواز رشم الشمري

[فواز رشم الشمري]

اقدم لكم مصافحتي الثانيه هذه وانشاء الله تعجبكم

حديث الغيم يثبتلك
..........................

تعبت ادوّر الكلمة ابيها مطلع احساسي
........ تعبت اغيب من روحي لجل هالغيب يذكرني
تعبت وما لقيت الا ليالي الحزن في كاسي
............ بحاول ازرع احزاني قبل هالحزن يزرعني
يا حزن القلب وجروحه ياهم الشيب في راسي
......... خنقت البسمه بشفاتي قبل هالفرحه تتركني

وتنساني باحزاني ..
واروح اركض على باب اللقى
ابحث عن اللي غاب عن عيني ..
وعن الفرحه بأحبابي .. وعن اللي مات قد!امي ..

وعن اللي غاب للذكرى .. وعن الذكرى..لأيامي


حبيب الروح شحكيلك
انا صوتي بدون حروف ..
وانا جرحي يغنيّـلك
يا حزن الروح للملهوف..
حبيبي.. ليـه
وش اللي صار في عقلي..؟

حبيبي..ليه..
دخيل الحزن أرجــع لي

شغـنّي لك ..

وشحكي لك ...

عن اللي صار من بعدك ..


تصدّق لو اقول انّك خذيت الروح في بُـعـدك..؟

تصدقني ....؟؟؟؟؟؟؟

تصدٌّق لو اقول انّي انا بعدك بدون احساس..؟

تصّدق لو اقول انّي اشوف الغيـم في شعري ..

تكذبني ...؟؟؟؟؟؟؟

تعال اسأل زهور الحب وامطاره...

من اللي جايب الغيمه .. او اللي يهطل أمطاره

تعال اسأل ..

تبيني اسأله وياك ..؟

انا حاظر .. على امـرك .. اذا هالحال ما يسرّك

انا حاظر

يا غيم الناس .. والدنياء .. يا منبّع خير .. في فــ صلك ..

من اللي جايبك قولي .. اذا كان الهوى حيّاز .. من اللي جايبك قولي ..

انا

انا


انا

(غيـمة وله واحزان .. وانا جرحي .. عيون انسان ..
وانا اللي جابني (عندك)..

شعر
فوّاز

شعر فوّاز

شعر فوّاز )

[الشمرية]

يا سلام عليك يا فواز
عجيبة والله العظيم رووووووووووعة
يعطيك العافية
وصح إلسانك
لا هنت على هالكلمات الراقية مو غريبة على ولد شمر

[@ أميرة @]

يسلموا يا عمري:)
ويعطيك الف عافية

[BadBoy]

صح السااانك

ويعطيك العافيه على هالابياات الجزله

الشكوى لله احرموووني من الرساايل ويبون الوصل

تحياااااتي لك

أخوووك فيصل

[عنوسه ^_~ ماتهاب]

صح لسانك فواز ولا هنت

[شوق الجراح]

شاعر الغيم : فواز رشم الشمري
تعبت ادوّر الكلمة ابيها مطلع احساسي
........ تعبت اغيب من روحي لجل هالغيب يذكرني
تعبت وما لقيت الا ليالي الحزن في كاسي
............ بحاول ازرع احزاني قبل هالحزن يزرعني
يا حزن القلب وجروحه ياهم الشيب في راسي
......... خنقت البسمه بشفاتي قبل هالفرحه تتركني

كلمات واحساس جميل من شاعر متوهج وشاعريطرب القلب قبل البصر

وانا من اشد المعجبات في قصائدك الجميله وبالاخص القصيده الي في مجلة المختلف

سجل اعجابي وحبي لك

شوق الجراح