ماعاد له داعي

[شيطون]

ماعاد له داعى تجينى ولا اجيك
مادام رحت وخاطرك طاب منى
ياصاحبي قلبي ترى اليوم ناسيك
خاب الرجا منك وخيبت ظنى
غدرت قلب كان بالحيل يغليك
غرك كلامى العذب مع صغر سنى
كنت احسبك سيفى اذا ضقت اناديك
اثر البلا سيفى هو يللى طعنى
احذر تفكر بتبعك في خطاويك
لي عزتى يالنذل لا تمتحنى
وان كانك مصمم بكيفى بمشيك
بهجرك ثم اوصلك وابعدك عنى
زي مااخذت القلب لعبه باياديك
انا بعد بلعب بقلبك واغنى
بذوقك حرمان قلبي واوريك
نفس العذاب يلي لقيته لانى
ماارضى اعيش الذل والعار بيديك
وماارضى اكون العبد وانت تحكمنى
انا جذى اذا اجافيك اجافيك
واذا وصلتك بوصلك طيب منى

[الشمرية]

صح إلسانك شيطون
حلوة القصيدة
اي والله غدرت قلب كان بالحيل يغليك
مشكوووووووور ولا هنت

[مملوح كوول]

يسلمو شيطون
وصح السانك
اي والله
كنت احسبك سيفى اذا ضقت اناديك

[يوم الرحيـ؟ـل]

صح لسانك اخوي شيطون ولا هنت يالغالي

واي والله احييك على هالبيت

انا جذى اذا اجافيك اجافيك *** واذا وصلتك بوصلك طيب منى

احب الشعر القوي مثل هالبيت

تحيات اخوك يوم الرحيـ؟ـل

[معشوقه]

صح لسانك ولا هنت وبصراحه حلووووووه

[قلـ الأسـد ـب]

صح لسانك ولا هنت واتمني منك المزيد تحياتي لك

[شيطون]

الشمريه

ومزيون كول

مشكورين على مروركم ويعطيكم الف عافيه وعساكم على القوة دوم


وصح بدنكم


وتحياتي لكم

[شيطون]

يوم الرحيـ؟ـل

معشوقه

صح بدنكم ومشكورين على المرور والله لا يحرمني منكم والله

ويسلموووووووووووو على الكلام الحلووووووه والله انكم احرجتوني

وتحياتي لكم


جااااااااااو جاااااااااو

[همسات]

صح لسانك ولا هنت

[شيطون]

قلـ الأسـد ـب


همسات

صح بدنكم ومشكوورين على المرور وعساكم على القووه يارب

وتحاتي لكم