بـــتــبـــيــع والا غــيــــرك النــــاس واجــــد.

[صعب مثلي تعشقين]

السلام عليكم ورحمـة اللـه وبركــاتــه

جيتك.. وانا للحب يازيـن شـراي *** بتبيع..؟ ولا غيـرك النـاس واجـد
كان الثمن عمري مع الجرح والنـاي *** اثنين ضرب اثنين ماهـو بواحـد
البيض ياما ناشدن طيـب ممشـاي *** ياحظها اللي لامسـت قلـب "خالـد"
امشي على وضح النقا واثق اخطاي *** مانـي بنمـام(ن) ولا انـي بحاسـد
وصلت نجم سهيـل بفعـال يمنـاي *** بـاارادة المعبـود مانـي بجـاحـد
الطيب في ساسي ياطيـب مجنـاي *** بطيبـي التاريـخ يازيـن شـاهـد
الجود صاحبني على الفقـر مبـداي *** جود(ن) يذكر طالبـي جـود زايـد
الحيل تذبح للذي ناصـي(ن) جـاي *** القلـب معنـاز.. وعيونـي مسانـد
يابنت انا محد(ن) يسـوي سوايـاي *** انا الـذي رغـم الغرابيـل صامـد
لو كنت تدري ياضنى الروح ومناي *** الشعر يكتـب حالتـي لـك قصايـد
مااشكي لـك اللوعـات لله مشكـاي *** اقول انا دافـي لـو العظـم بـارد
بتبيع..؟ ولا اسري مع الذيب مسراي *** اتـرك عنـاد الوقـت للـي يعانـد

وســلامتــكم : .................... الشــرافـــي ..........................



آخوكم : صعب مثلي تعشقيـن

[يوم الرحيـ؟ـل]

تحياتي لك اخوي الشرافي

ولا هنت يالغالي

وصح لسانك واهنيك على هذا البيتين
وصلت نجم سهيـل بفعـال يمنـاي *** بـاارادة المعبـود مانـي بجـاحـد
الطيب في ساسي ياطيـب مجنـاي *** بطيبـي التاريـخ يازيـن شـاهـد

اخوك يوم الرحيـ؟ـل

[صعب مثلي تعشقين]

ولانت وصح ابدنك يالغالي ويعطيك الف عافيه على مرورك وتواصلك يالغالي .



اخوك : الشـــرافــي.

[قلـ الأسـد ـب]

صح لسانك ولا هنت يلي وصلت نجم سهيل بيمناه واتمني منك المزيد ولك تحياتي يا الغالي خالد

[صعب مثلي تعشقين]

يعطيك الف عافيه اخوي قلب الأســد على المرور الكريم وتواصلم معنا .


اخوك : الشرافــي.