يـاغـايـبـه لـيـتـــك ..

[صعب مثلي تعشقين]

ياغايبـه ليتـك تشوفيـن حالـي *** لي حال باري مثل عود النصيـة
طال الغياب..وطال صبر الليالـي *** ونار الوله من كثر الاشواق حيـه
بالله خلي الطيـف يجلـس قبالـي *** لو ما طرى لك ياضنى الروح جيه
ادري وصالك صار صعب المنالي *** لكن دخيل الصوت يبقـى شويـه
وان مالقيتـي للتصالـك مجالـي *** همسك ترا (امريكا) بتسمع دويـه
وانتي فراقك لـو بكلمـه يقالـي *** لاقلت فرقـا كنـي قايـل منيـة!
الله اكبـر يـااسـاس الجمـالـي *** اتذكرك..والموت يسحـب يديـه
واتذكرك..وانا بوسـط الرجالـي *** وانـا بضيفـي فرحتـي حاتميـه
في سيرتي بالطيب يضرب مثالي *** مشهور بفعـال الوفـا والحميـة
قرم(ن) الى انتخيت اطيح عقالـي *** وكفي علـى مـد الثمينـه نديـه
وشلون لاشفت ابن عمي وخالـي *** بضيافتـي مادامـهـا دوسـريـة
واتذكرك..والدرس بـاول وتالـي *** حتى المدرس لاحظ الوجـد فيّـه
لامن سالني قلت عيـد السؤالـي *** ولا جا يعيده قلـت عيـده عليـه!
واتذكرك...وشلون وانتي في بالي *** مانساك لو انسى اني (خالد) سميه
ياغايبة..قلبي عن النـاس سالـي *** مادام لا غبتـي تغيـب البريـة!

خــالـد مـحـمـد الـدوســري .

[الشمرية]

صح إلسانك
عجيبة يا خالد
ما قصرت
ولا هنت
دايما في القمة يا صعب مثلى تعشقين
رووووووووووووووووووووعة

[همسات]

صح لسانك ولا هنت قصيده بقمة الروعه

تحياتي
همووسه

[صعب مثلي تعشقين]

صحت ابدانكم جميـعاً ومشكورين على المرور والكلام المشجع وانشاء الله بردودكم نكون في الأعلى بأذن اللـه وأشكركم مره ثانيه .



اخوكم : الشـــرافــي .

[@ أميرة @]

يسلمووو على الأبيات :)
ويعطيك العافية

[صعب مثلي تعشقين]

اللـه يعافيك اختي أميرة ومشكوره على مرورك وتواصلك.


اخوك : الشــرافـي.