قـصـة الشايب اللي قلبه أخضر مع البنت المزيونـه

[صعب مثلي تعشقين]

سالفتنا هي عن (عود )قلبه خضر وعينه تعرف الزين وتطرب له
الشايب ذا في احد طرقات قريته شاف له بنيه مزيونه وساق عينه وابحر في النظر ومد رشى الهوى في بحر الزين ... بس
شكله نسى نفسه وزاد وفتح فمه وطمعت عينه في زينها وطوّل في مطالعها .. الى ان استنكرت عليه وكوته بكلمتين اوجعت شويبنا وحسته ... يوم قالت له:

انت لاعاشق ولا معشوق .. رح لصلاتك وتعبد ابرك لك .

هنا رفيقنا احتس وشكى وعلمها انه زي باقي خلق الله يعرف الزين ويحبه
انشد وقال ذا الابيات :


رعا الله دار من لا دار مثلـه بالوطـى مخلـوق
زريف الطول كمّلها رفيـع العـرش و أعطاهـا
عطاها حسن ساره مع جمال اليوسفي مطبـوق
كمل و الكامل الله مـع جمالـه حسّـن ارباهـا
و مع هذا الجمال أعطاها مولاها حسن منطـوق
نعيم العود ملهـوف الحشافـي زمّـة اصباهـا
أنا والله ما أعرفه مير صادفني مـع الطـاروق
و لمحة لغرّتـه سبحـان رب الخلـق سوّاهـا
غزاني ثـم فاجانـي بخـد تقـل لمـع ابـروق
ضحك واغضى بنجل به سهوم الموت و دوّاهـا
و قلت أصبر ربع ساعه أبا أسأل و العمر ملحوق
هو انتي من بنات الحـور يـا محـلا محيّاهـا
و قالت لا تنشد و إنت لا عاشق و لا معشـوق
ترى طـول المنايـر يتعبـن لا جيـت ترقاهـا
و أنا من جملة المخلوق لا سابق و لا مسبـوق
يحب الزين لو هو عود ميـر النفـس يقواهـا


وسلامتكم .

اخوكم : الشــرافــي .

[@ أميرة @]

يسلمو يا قلبي على الموضوع :)


سنقل الى قسم الأدب و الشعر :)

[صعب مثلي تعشقين]

يسلم قلبك يالغاليه ويعطيك الف عافيه على المرور ( بس أرى لو انه بروم القصص يكون أفضل ) بس مو مشكله أشكرك مره ثانيه على المرور ونقل القصيده وماقصرتي يا( أمـيره ) .


اخوك : الشـــرافــي .

[@ أميرة @]

الله يسلمك يا عمري بس اهو شعر

اعتبر اهني احسن:)

و شكرا لتقبلك الموضوع

يسلمموووووو

[صعب مثلي تعشقين]

اللـه يسلـمك هنا او هناك كلها سوى اللي نبيه اهو عرض الموضوع على الاعضاء .
ومشكوره يالغاليه على كلامك الطيب والله يعطيك العافيه .


اخوك : الشــرافـي.

[@ أميرة @]

يعافيك يالغالي :)