قــصــة عــنـاي و شـقــايــه

[مجـــــاريح]

هي كرهتني نفسها فالبـدايه@ اسلوبها غامض ولا هوب مفهوم

كنها تبي لهذي البدايـه نهايـه @ يـعـني العـلاقــه كلها مسألة يـوم !!

وجاملتها وقلت ابشري يـا منايـه @ بنفس الدقيقه صارت اعلوم وعلوم

ومعـهـا ثلاث ايــام مـثـل الحــكــايه @ ما نفـترق الا عـلـى حـّـزة النــوم

وبدى الخلاف اللي لنا كــان غـايــه @ قـبل ثـلاث ايام ما كان ملــزوم

قالت ترا المخلوق يمشي برايه @ وقـالــت و قلت اللي الحصل امر مقسوم

اخطأت بحقي بـس مكبر خــطايـه @ حــكمتها وقدامها اليوم محكــوم

وصارت مصيبه ويش ينفع رجايـه @ وحل الفراق بلا عتابٍ ولا لـوم

وصديت عنها وبتّعدت برضـايـه @ ماهيب محرومه ولاني بمحروم

نفسي عزيزه ورافعٍ مستوايه @ عرفت ان اللي حصل قدر محتوم

مهما احاول واجتهد وش جـزايـه @ واضح بحكم العدل ضالم ومظلوم

هذي اهي قصة عناي وشـقــايــه @ وبـعـد القصيدة أرّتحت ماني بمهموم

عرفت وشهو صابني وش بلايه @ ذكرى قـديمه مالها اليوم ملزوم

مغير انا معها ولا حـدن معــايـه @ والسر عن كــل المخاليق مكـتوم

وسلامتكم

[يوم الرحيـ؟ـل]

صح لسانكم ولا هنتو وانشاله الى التقدم يا مجاريح


واهذا افضل بيت عندي بهذي القصيده اهو ملك الابيات

نفسي عزيزه ورافعٍ مستوايه _*_*_*_ عرفت ان اللي حصل قدر محتوم


تقبلوااااا تحياتي

[همسات]

صح لسانك ولا هنت

[مجـــــاريح]

مشكورين على التواصل