تويت
لاوهني اللي رصيـــــده ملاييـــــن 000 وامضاه في راس القلم يقبلونه
وبواخره تمشي بكل البلاديـــــــــن 000 محمله من كل شكلٍ نمونـــه
وعنده عيالٍ صالحين ورشيديــــــــن 000 لاغاب والدهم هم يمثلونــــه
وبيته يعانق شاهقات الضلاعيــــــن 00 تلقى الحمام مبيضٍ في ركونه
وديوانه اكبر مابني بالدواويـــــــــــن 000 مفتوح واجواد العرب يدهلونه
فيه الخدم متكامــلينٍ مطيعيــــــــن 000 من جا لهالديوان بيـباشرونــه
لي صارت الريضان مثل البساتيـــــن 000 ماطاب من ريضانها ينزلونـــه
تلقى الخزامــــــا والنفل والرياحيـــن000 تطرب لها الورقا وتزعج فنونه
وثـــلاث جـــاراتٍ بناتٍ مزاييــــــــــن 00 في بيتن موفر كل مايشتهونه
مع لابتٍ تنطح وجيه الشيــاطيـــــــن 000 عزٍ لهم وهم يتفادون دونـــه
هذي الحياه اللي لها الناس شفقيــن 000 ومن غر منها ياحياة المهونه
اشوى من اللي ياخذ الدين بالديــــــن 00 وطلابته راس الشهر يبلشونه
ومــــع الفقر عنـــده بزور ونساويــــن000 يـبون حاجتهم ولا يعذرونــه
يقضي معاشه مامضى الشهر يومين000الفقر شيب به وشيب عيونه
عايش ولكن عيشت الفقر مسكيــــن000كنه مصخن وهو مابه صخونه
يــالله يـــاقابل صلاة المصليـــــــــــن 000انــك تقوم بعونـا ثــم عــونـه
وسلامتــــــكـــــم 00000
منقووووووووله
[/align][/align]
تعليق