جوفوا الحب ااااااااه واموت

[المحرقاوية999]

غابت عني ولا ادري وش حالتها ولا ادري قلبي وشلون بتنام عيونه
قلت اقوم انشد عنها بنت خالتها عله يرتاح قلب تلعب في ظنونه
صدت عني ماتبييني اشوف دمعتها وقالت ياولد البنت باالعود مدفونه
ماتت وغابت بالسما احلى نجمتها وحزن النجم والقمر انخطف لونه
ماتت ومات بالحديقه اغلى وردتها وبكى الشجر والزهر وقاموا يرثونه
وقفت مذهول وزاد بجسمي رعدتها وقفت صامتن وعقلي جنت جنونه
رحت المقابر علي ألحق جنازتها لقيتها مكفنة وقبر البنت يحفرونه
وصلت المقابر ومحدن في حزتها غير امها وأبوها وأخوها ويعزونه
شالوها يبغون يحطونها بحفرتها وغطرها بالتراب وقلبها يدفنونه
لولا خوفي من الله ثم فضيحتها لاقول هالبنت جسمها لا تدفنونه
ألتفت لي شخص أظنه من جماعتها يقول هالولد علامه تبكي عيونه
غمضت عيني ماأبي تنزل دمعتها بس بان الحزن والناس يشوفونه
وانزلت دمعه من قوة حرارتها احرقت خدي وصار احمرن لونه
قلت انا اللي روح روحي فدتها قلت انا من روحي وقلبي يفدونه
قلت انا من تركتني وحيد بدنيتها وانا من عشقها وحبها دايم يصونه
احبها واسالوا عين ياكثر مابكتها واسالوا كل هالبشر وهالعالم وكونه
ابيات شعري ياما وياما تغنتها تقول ابيات شعرك قلبي يطربونه
من لام روحي عله يعيش حسرتها ويعيش طول الدهر تبكي عيونه
يا لايمين قلبي شوفوا صورتها بعدها تبون تلومونه لكم تلومونه
ما ابي غيرها ابي اسعد بضمتها ما اريد غير قليبي تنجلي حزونه
فوق قبر هالبنت تعالت ضحكتها ياعسى قبر البنت بالسما يرفعونه
لعنبو عين عقبك ماتحدر دمعتها ولعنبو خلقن كان اسمك مايطرونه
لعنبو روحي كان تكتمل في فرحتها ولعنبوالحزن لو فارق يوم بسجونه
روحي فقدتها ودموع عيني رثتها بابيات شعر مكسوره ماهي بموزونه
ياالله ياكريم تغفر لها كل زلتها وتغفر لها ذنب كل الملا يقترفونه
ياكريم اجمعني بها بجنه عدتها حج البيت والصيام وخمس يصلونه
ياليتني ساكن اليوم بوسط حفرتها وروحي بجنب روحها اليوم مدفونه

[يوم الرحيـ؟ـل]

:)

:) :)



شالوها يبغون يحطونها بحفرتها وغطرها بالتراب وقلبها يدفنونه
لولا خوفي من الله ثم فضيحتها لاقول هالبنت جسمها لا تدفنونه


وربي روعه


يسلمو ياسويره الكول



تحياتي

[6aLoOoL]

يعيطج الف عافيييية سارونة على الشعر ،،، وصح السانج ولا هنتي

[جيكر حلو]

صح لسانج

وتسلمين يا سارونه عالشعر الحلو :)

وانشالله لمزيدج

تحياتي :
جيكر حلو