تويت
هذي القصيده مشهوره ونقلتها لكم من مكان ثاني وفيه لها اكثر من مناسبه
الاولي
شاعرهذا البيت المعروف هو راشد بن حسن بن رحيان العجمي - الله يرحمه ( ابن الذيب )
والقصه هي انه يوم من الايام أشرت له عجوز ومعها حمار قالت وصلني يا الأجودي قدام شوي قال ابشيلك بس الحمار لا قالت له خلاص روح الله يستر عليك بيجي الذيب ويشيلني انشاء الله تقصد راشد العجمي .. قال لها يا خاله انا راشد الذيب .. اركبي وابشري بالخير.
الثانيه
ان المناسبه غير الى قلتها هو كان يشتغل في ارامكو وكان مع وفد من الشركه وحصل العجوز على الطريق اشرت له وهو كان في اخر الوفد وقفته بالقووه وقالت له بركب معك توصلني لهلي قال ياخاله ان شافوني شايلك فصولني قالت اجل روح يجيني ابن الذيب يشيلني قال لها ياخاله ان ابن الذيب اركبي والله لوديك واترك الوفد حتي لو على فصلي
القصيده
قالها إبن الذيب من هاجوس باله كلمةٍ يلعب بها والبـال زينـي
قالها يومه طراله ما طراله من هواجيـسٍ تشيـب المرضعينـي
غرّني بعض الرجال بكثر ماله مادرى إن الموت في حبل الوتيني
كيف ينفعني وبعض الناس خاله ما يدوم البيت كان الساس طيني
ماش وين اللي عوايده الشكاله مثل إبن ظافر حمد ليتـه يجينـي
الثنا والجود دايم فـي خيالـه علّمـه ظافـر سلـوم الطيّبينـي
جوّد العليا ولزّمها عياله وأدركـوا مـن علمتـه دنيـا ودينـي
واهني من باع حظّه وإشتراله سار في درب النبي وأخزا اللعيني
موقفه ماكل رجّالٍ ينالـه ومـن بغـا ممشـاه يقعـد مرّتينـي
وكم ذبح من حايلٍ من حر ماله وعادته لطمة خشـوم العايلينـي
حالفٍ ماخذ على الطرقي رياله وبالثلاث محرّم إنها مـا تجينـي
لا لقيت اللي على السكّه لحاله يلتفت ويقول : ويـن المستحينـي
أوقف الموتر حيا وأبغا الجماله يوم ولد اللاش وجهه مـا يلينـي
والطمع في كرّوة الرجلي رذاله خصّ به وإن جا مجال الغانميني
والردي في حالةٍ ماهيب حاله يا عوينـه مـن كـلام الطيّبينـي
الولد وإن طاب قالوا : من خواله بالخوال يسال قبـل الوالدينـي
وأركبه لعيون من زينٍ دلاله ما تحاكوا فـي قفـاه الرامسينـي
ما بغى غيري وأنا مابغا بداله قاعدٍ لـي بالرجـا مـدّة سنينـي
ما قعدنا فالعمل نبغا الرزالـه ناخـذ العليـا طريـق الفايزينـي
وأشرب الفنجال وأكب البيالـه تابـعٍ سلمـي سلـوم الأولينـي
ملطوووووووووووووش
تعليق