قصيدة رائعه

[بدوي كوول]

بسم الله الرحمن الرحيم

هذي القصيده رائعه من روائع الشاعر الكبير : ناصر الفراعنه السبيعي

أتمنى انها تحوز على رضاكم

جتني على غفوة عيوني تدق الطبول ()() ياما لها خافق يجدد لحونه وسال
البيض تحت السواد يطيرن العقول ()() والسود فوق البياض يضيعن الرجال
ان شرعت من طرفها صافنات الخيول ()() شفت الاوادم على السكه تجر الطوال
وان سلهمت بأكحل للناس مثل الكحول ()() ملعون ابو من يشوفه ماستر ثم قال
وان عاكست بالحجاج الممسي الخجول ()() ياشرهة الله على عمرٍ يشوفه وطال
وان قضت الراس يادين النبي ويش أقول ()() فما تشوفه عيوني صدق والا خيال
وان هزت الخصر والأرداف عرض وطول ()() ماضن ان به عقبها غصنٍ من الموز مال
خصرنٍ تهيبل وانا من قبل فيه مهبول ()() وزود هبالي اهبال وصرت كلي هبال
قالولي الموت قبله شربتةً من معسول ()() واشوف انا الموت لاهزت الدقاق الجلال
يشرح على الخد قصة عنبر مع حبلول ()() بالشامه الي على خده ضربلي مثال
بين النهد والنهد ماشل ساق الذلول ()() ومن دون هاك الجدايل يقصرن الحبال
وان فاح زاكي عرقها لاهو شي يهول ()() تعال يالعود الأزرق شم ريحه تعال
جمالها يسرن اعجز معجزات الحلول ()() كل مالقينا له اجابه تجدد سؤال
لو مثلها معجزه من ربنا مع رسول ()() مامات حيٍ وهو ماشاد له بالكمال
هذا جمال الي يبيض وجه من له يطول ()() أيه أيه هذا الجمال الي يهد الجبال
زينٍ فتن قبلي الي يلبسن الحجول ()() وش عاد بيقول فيه منكسين العقال
زينٍ مسحني من الدنيا عشرين حول ()() يمكن خلقه الولي شمس وانا له ظلال

[شاهد عيان]

صح السانك ياقلبي بدوي كوول على القصيده الغزليه الرااائعه

ودمت لنا انت واشعارك الرووعه

[عنوسه ^_~ ماتهاب]

صح لسانك ولا هنت قصيده روعه :p

[><@الشقااوي@><]

صــــح السانك ياقلبي ولاهنت



يــــ بدوي كــوووول ــــــا

[بدوي كوول]

صح بدنكم جميعاً وشاكر مروركم الكريم