قصيده الطفل الصغير

[الماضى]

عندما يأبى القدر وتحول الظروف ويعجز الكبير عن تحقيق ما حققه طفل صغير ،

فليس له أمام تلك الهزيمة سوى الأحلام والأمنيات والكلمات التي سخر

فيها حواسه الخمس لتحقيق مالم يستطعه حقيقة ، وليس له أيضاً إلا أن يقضي دينه

من هذا الطفل الصغير .





تعال أضمك والثم الخـد والعيـن
تعال خل العيـن تنسـى سهرهـا

مالي جدا غير أقضي الدين بالدين
مادام روحي صـار هـذا قدرهـا

غالي وزادك زود شوفتك غاليـن
وأنا الذي قلبي شهـور انتظرهـا

حظيظ جالك من زيارتـك ثنتيـن
زودك غلا عندي وشوفك قمرهـا

ليتك تكلم وتحكي لي عن الزيـن
يوم أن عينك شافت اللي بهرهـا

صغير ما تعرف علـوم المحبيـن
لكني اقرأ فـي عيونـك خبرهـا

كني أشوفك يوم ضمتـك بيديـن
وأنت ببراءة صرت تلثـم نحرهـا

ويوم مسكت يدك الصغيرة بكفيـن
وقامت تقبلهـا لعبـت بشعرهـا

ويوم ضحكت من فعلتك بان صفين
سبحانه اللي صف فيهـا دررهـا

قضيت ساعة مع أريج البساتيـن
نسيت معك فيهـا بقايـا كدرهـا

ورحتَ وهي تبكي وقالت على وين
وبدون ما تدري مسحتَ عبرهـا

ورجعت لي فرحٍ وفي اليد تلويـن
وفي خدك الأيسـر بقايـا أثرهـا

يومي سألتك عن علوم المضيفين
جاوبتني حلوه رسمنـا صورهـا

أشوف صورتها بعينـك تراعيـن
وأشم في جسمك شذى من زهرها

وأحس في كفك بعد لمسهـا ليـن
وأذوق في الآخر عذوبة مطرهـا

حتى كلامك كل ما جيـت تدعيـن
أسمع نغم حرفٍ نطق به ثغرهـا

يا ليت عمري يرجع سنين وسنين
وأصير طفلٍ جاهـلٍ فـي نظرهـا

تعال أضمك والثم الخـد والعيـن
تعال خل العيـن تنسـى سهرهـا

مالي جدا غير أقضي الدين بالدين
ما دام روحـي صـار هذاقدرهـا





و ســـلامــتـــكـــم ...



أعذروني كثرتها عليكم ولكن أعجبتني

(( منقول ))

[قلـ الأسـد ـب]

صح لسانك الماضي ولا هنت تحياتي لك يا الغالي

[الماضى]

صح بدنك اخوى قلب الاسد
يسلمووووووووووووووو