<< بدوي وحضريــه>>

[خـــالـــد]

قالت ترى منت بحلو قلت رجال .....والزين ماهو من شروط الرجوله

الزين يلقى عند لباست الشال .... والرجل زين ان كان زانت فعوله

قالت علامك تلبس شماغ وأعقال ...انت بدوي قلت بدوي من حموله

مالبس بناطيل لها انواع واشكال ... ومتر الشارع بعرضه وطوله

قالت أجل راعي معاميل ودلال ... وشرب القهاوي تحسبونه بطوله

قلت اسمعيني وأفهمي كل الاقوال .... تمعني في كل حرفن اقوله

كيفي يبنت الحضر دله وفنجال ..... وحليب خلفه بالمراح معقوله

احب الكرم والطيب وعلوم الابطال .... مغروس فينا من زمان الطفوله

قالت ترى بنت البدو حظها مال ... قلت احذري حذرا تكوني جهوله

بنت البدو يابنت تضرب بالامثال ... غير الجمال وطاعه الله خجوله

زينه على كل المزايين تهتال ... مثل القمر ينشاف ولا أحد يطوله

ماتنخدع في كل ماكر ومحتال ... اللي لهم بالسوق صوله وجوله

هي مهرتن تصعب على كل خيال ..وأنتي ومثلك عسفها بالسهوله

قالت تغزل بي وشف حبت الخال ... ناضر عيوني والرموش الكسوله

وناضر جديلن فوق الامتان ميال ... ومبيسم يعجبك يعجبك تنظيم لوله

قلت العفو مايستوي زين وهبال ... والي تبينه شيبي عن حصوله

[قلـ الأسـد ـب]

صح لسانك خالد ولا هنت تحياتي لك يا الغالي

[عنوسه ^_~ ماتهاب]

صح لسانك ولا هنت علي النقل خالد :)