لحظة وداع اقسى من الموت يا صاح ..!! اولى مشاركاتي ..!!

[حسن علي الهاجري]

مساء الخير

انثر بين ايديكم قصيدة متواضعه

بداية انضمامي الى الصرح الجميل

واتمنى كذلك ان تصل الى جزء الجزء

من ذائقتكم ايها الكرام ..

:::::::::::::::::::::::::::

قــال اسـتـمـع مـنّي قبل لحظة وداع ..
ياللـي غـلاك بداخل القلب مزروع


وارجـوك لا تـنـسى ولـيف ٍ لك انصاع ..
ومن وين ما ودّك يجي دايم ٍ طوع


يـفـرح بـشوفـك وان تغـيـّبت يلتاع ..
يغليك من قـلبه ويضويلك شموع



قـدّر ظـروفـه وافـتـهم كل الأوضاع ..
لا تزيد هم القلب والقلـب موجوع


لا تحسبنّي يـا هـوى الـبـال قـطّاع ..
ولا تحسبنّي في العشاشيـق مخدوع


والله فلا غيرك سـكـن بـين الأضلاع ..
ومهما يطول الوقت لك قدر مرفوع


ياما عـشانـك ساهـر ٍ بـين هجّـاع ..
أهـلّْ دمـع العين والقلب مفزوع


اقـولـها صـادق ولا نـيـب خـدّاع ..
ماهوب أنا اللي مِنْه الأحساس منزوع


وقال الـوداع ابَّـسمة ٍ حلو الأطـباع ..
قـصـده يـواسيني وأنا كلّي دموع


اقفى وانا من ما حصل صـرت مرتاع ..
مـدري حقـيقه أو تصاريف دلوع


اقفى وقـلـبي داخـله هـم وأوجاع ..
انا اشهد أنّه لاعني صاحبي لوع


ما يرجعه دمـع ٍ ولا عض الأصباع ..
خـلاص أنا من شوفة الخل ممنوع


لا واحسايف حلمنا في الهوى ضـاع ..
والله يعـين القلب لا صار مفجوع




وسلامتكم

(( .. حسن بن علي الهاجري .. ))

[عنوسه ^_~ ماتهاب]

يا هلا وغلا فيك اخوي اول مشاركه وان شاء الله مب اخر مشاركه
حياك الله
وصح لسانك ولا هنت :)

[قلـ الأسـد ـب]

صح لسانك الهاجري وحياك الله بين أخوانك تحياتي لك والي الأماااااااااام بالتواصل أخ عزيز وغالي

[وصف الغزال]

صح لسانك اخوووي ولاهنت...
ويعطيك العافيه...


chaaaaaaaaaaaw

[معشوقه]

]

صححححح لسانك ولا هنت والي الامام



]

[/CENTER]

[تمرد امراة]

صح لسانك يالهاجري................وايد حلوة الكلمات مشالله...........جدا رقيقة......................موفق