طــــاحـــــت الــــصـــــوره

[شـخـص عـابـر]

[align=center][rams]http://movn.net/tqasem/3azf-2.ram[/rams][/align]




[align=center]مصافحه اولى .. اتمنى ان تنال على
اعجاب قلوبكم .. قبل ان تنال على اعجابكم
وهذا النص .. لايبحث عن جمهور ولكن .. يبحث عن
الإحساس بما يحتويه من احساس صادق.[/align]









[align=center]وانا (عــابــر) وقفت هناك اناظر من ورى الجدران
وقفت بدهشتي أنظر لبلده شبه مهجوره


نظرت لزاويه قبالي بها يوقف طفل عريان
جنبه جالسه طفله بقطعة خام مستوره


ويوقف جنبهم شايب يمد ايده طلب احسان
حـزيـن ونظرته توصف مشاعر نفس مقهوره


فقير بذمته اسره ينومهم على الرصفان
ظلام وخوف جوع وبرد .. ظواري ليل مسعوره


يعيشون الليالي رعب أحد خايف واحد بردان
وذاك الشايب المبلي تعب او مل من دوره


تضايق لابكى طفله يناديله يبه جوعان
ولايملك من الدنيا سوى بشته (وباكوره) :


تعينه لانوى يمشي وتسند جسمه الهريان
وفجأه صارت دموعه على الرصفان منثوره


وكل دمعه بها مأساه بها صوره عن الأحزان
يضيق وتمطر عيونه : قصايد حزن مكسوره




وانا أتعبني المنظر .. ورحت ابعد عن الجدران
اخذت ابعد واناظر لين .. بكيت وطاحت الصوره[/align]








[align=center] نُشِرَتْ هذه القصيده
في مجلة :
( عـرب )
الكويتيّه
[/align]








[align=left].[/align]

[بقايا أثر]

صح لسانك ويعطيك العافيه