أقسى قصيــــــــــــــــــــ حب ــــــــــــــــــده

[سيجنال2]

لا جيت ابنسى واتراجـع واسامحـك
صاحن جروحي واشتكن لي طعونك!!

كلك خيانه !! قول وشلـون ابمنحـك
وش موقفك من شخص دايم يخونك!!

اكبر خطا.. لو جيت يمك اصالحـك
اول تحـول لاتغـرك .. إلحـونـك

اللي تقوله صح لـو كنـت جارحـك
(مير) انت غارق للاسف في ظنونك

وصفك نسيته بس .. باقي ملامحـك
بنهيك وانهـي بالنهايـه .. جنونـك

ماتستحق امـد (كفـي) واصافحـك
مثلك غلط عمري وابحيا .. بدونـك

لعبت دورك شاهدات(ن) مسارحـك
خدعتني واظهرت خافـي فنونـك!!

كنت اعتقد قلبي هو ابرز مطامحـك
اللي يبيع النـاس .. لجلـه يصونـك

تعبت اسوق الشوق يمك واصارحـك
اخلصت لك بالحب شوفـت عيونـك

لكن خسارة صرت غايـة مصالحـك
ياليتني ماجيـت لحظـه .. بكونـك

بالامس كنت بنشوة الحب .. امازحك
اخيـل برقـك واتحـرى امـزونـك

واليوم من صفحة حياتـي ابمسحـك
هديت صرحك ثم طاحـت ركونـك

ولابي عيوني لو تصـورت تلمحـك
اعلنت موتك .. وانسجن لي كفونـك

وان جيت تطلب ترتجيني .. اسامحك
بهديك طعنه .. من بقايا .. طعونك

[BadBoy]

الله عليج

كلمااات أكثر من روعه


مع اني مستغرب من قصايدج كلها حزن بحزن


على فكره ترا الحياه حلوه مهما كانت ظروفها


بس للي يفهمها انا بإعتقادي ان الانسان بيده يخلي دنياه حلوه اذا كان متفائل


والعكس طبعا

تحيااااتي لج

أخوج : فيصل

[سنطرة مقشرة]

صح السانج/السانك يا سيجنال 2


و بصراحة القصيدة رووووعة وايد عجبتني مو عن مجاملة..


بالتوفيق دائماً

[سيجنال2]

مشكورين على الردود الاكثر من حلوه

[القرناس]

تعبت اسوق الشوق يمك واصارحـك
اخلصت لك بالحب شوفـت عيونـك

لكن خسارة صرت غايـة مصالحـك
ياليتني ماجيـت لحظـه .. بكونـك

روعة وجمال وابداع

سلمت يداك لهذه القصيدة الجميلة

والله لا يحرمنا منك ولا من قصايدك الحلوة

عزيزة وغالية سيجنال2

[طفوليه حدي]

[grade="8B0000 DC143C FF0000 FF4500 B22222"]الله ياسلام على الخاطره الروعه
اشكرك ياحلو واتمنى لك المزيد
.
.
اختك طفوليه[/grade]

[قطة^منحاشة]

صح ايدينج قصيده حيل حلوه كل كلمه فيها معبره ومشكوره على هالقصيده الطيبه :)

[سيجنال2]

مشكورين على الردود الحلوه

[عمشه بولند]

صح لسانج يا الغاليه
:):):)